ހޯރަފުށީ އެއަރޕޯޓްގެ ލަގެޖް ސްކޭން ކުރާ މެޝިނު ހަލާކުވެފަ ހުންނަތާ 5 މަސް ދުވަސް: ސީނިއަރ މެނޭޖަރ އަހުމަދު ވަލީދު
މި މެޝިނު ހަލާކުވުމަށް ދިމާވާ މައިގަނޑު ސަބަބަކީ ކުރީގެ ބްރޭންޑަކަށް ވުމުން ސްޕެއާ ހޯދަން ދަތިވުން ކަމުގައި އެއަރޕޯޓް މެނޭޖަރ ވަލީދު ވިދާޅުވި. މިކަމަށް "އަލްޓަރނޭޓް ސްލިއުޝަން" އެއް ހޯދަދޭނެ ކަމުގެ ޔަގީންކަން ސަރުކާރުން ދެއްވާފައި ވިޔަސް، އެބުނާ ހައްލަކީ ސްޕެއަރ ޕާޓްސް ގެނެސް ގެނެސްގެން ހޯރަަފުށީގައި ހުރި ލަގެޖް ސްކޭނަރު އަނެއްކާ ވެސް މަރާމާރު ކުރުންތޯ ނުވަތަ މުޅިން އައު ސްކޭނަރެއް ހޯރަފުއްޓައް ގެނައުން ކަން ސާފު ނުވާކަމަށް ވެސް ވަލީދު ވިދާޅުވި.
ހޯރަފުށީ އެއަރޕޯޓުގެ ލަގެޖް ސްކޭނަރު ހަލާކުވެގެން ހިދުމަތް ނުދެވޭތާ 5 މަސް ދުވަސް. | ރާއްޖެ އެމްވީ
ހއ. ހޯރަފުށީ އެއަރޕޯޓްގެ ލަގެޖް ސްކޭންކުރާ މެޝިނު މިދިޔަ އަހަރުގެ އޮގަސްޓް މަހުން ފެށިގެން އެއްވެސް ވަރަކަށް ބޭނުންނުކުރެވޭ ވަރަށް ހަލާކުވެފައި ވާކަމަށް، އެ އެއަރޕޯޓް ހިންގުމާ ހަވާލުވެ ހުންނެވި ސީނިއަރ މެނޭޖަރ އަހުމަދު ވަލީދު ވިދާޅުވެއްޖެ އެވެ.
ރާއްޖެ އެމްވީ އަށް މައުލޫމާތު ދެއްވަމުން ވަލީދު ވިދާޅުވީ، އެއަރޕޯޓުގެ ލަގެޖް ސްކޭންކުރާ މެޝިނު، މިދިޔަ އަހަރުގެ އޮގަސްޓް މަހުގެ ކުރިން ވެސް ދެ ފަހަރަކު ހަލާކުވެގެން މަރާމާތު ކޮށްފައިވާނެ ކަމަށެވެ. އަދި މި މެޝިނު ހަލާކުވުމަށް ދިމާވާ މައިގަނޑު ސަބަބަކީ ކުރީގެ ބްރޭންޑަކަށް ވުމުން ސްޕެއާ ހޯދަން ދަތިވުން ކަމުގައި އޭނާ ވިދާޅުވި އެވެ. އަދި ރާއްޖޭގައި ވެސް މި ބްރޭންޑް ގެ ލަގެޖް ސްކޭނަރެއް ހުންނަނީ ހަމައެކަނި ހޯރަފުށީ އެއަރޕޯޓް ގައި ކަމަށް ވަލީދު ވިދާޅުވި އެވެ.
މިކަން މިހާރު ސަރުކާރުގެ ކަމާ ބެހޭ އިދާރާތަކުގެ ސަމާލުކަމަށް ގެނެސްފައިވާކަން ފާހަގަކުރައްވާ ވަލީދު ވިދާޅުވީ މީގެ ކުރިން ވެސް ލަގެޖް ސްކޭނަރު ހަލާކުވެގެން 3 މަސް ދުވަސްތެރޭ 2 ފަހަރަކު ސްޕެއަރ ގެނެސްގެން މަރާމާތު ކޮށްފައި ވާނޭކަމަށެވެ. އަދި މިހާރު ވެސް މިކަމާ ގުޅޭ ޓެކްނިކަލް ބޭފުޅުން މިކަން ހައްލު ކުރުމުގެ މަސައްކަތް ކުރާ ކަމުގަ އެވެ. އެ ގޮތުން އޮގަސްޓް މަހުން ފެށިގެން މިވީ 5 މަސް ދުވަސް ތެރޭގައި ސަރުކާރުގެ ފަރާތުން ސްޕެއާ ހޯދުމުގެ މަސައްކަތް ވަރަށް ބުރަކޮށް ކުރަމުން ގެންދާ ކަމަށް އޭނާ ވިދާޅުވި އެވެ. އަދި އޭގެ ފަހުން އެއްފަހަރު ސްޕެއާ ގެނައި ކަމަށާއި ނަމަވެސް، ކަން ދިމާކުރި ގޮތުން ސަރުކާރުން އެ ފަހަރު ގެނައި ސްޕެއަރ ޕާޓްސް، ހޯރަފުށީ ގައި ހުންނަ ލަގެޖް ސްކޭން މެޝިނާއި ދިމާ ނުވުމުގެ ސަބަބުން މަރާމާތު ކުރެވޭ ގޮތެއް ނުވީ ކަމުގަ އެވެ.
ނަމަވެސް މިކަން ހައްލު ކުރުމަށް ސަރުކާރުގެ ފަރާތުން ގެންގުޅޭ ވިސްނުން ސާފުނުވާކަމަށް ވެސް ވަލީދު ވިދާޅުވި އެވެ. މިކަމަށް "އަލްޓަރނޭޓް ސްލިއުޝަން" އެއް ހޯދަދޭނެ ކަމުގެ ޔަގީންކަން ސަރުކާރުން ދެއްވާފައި ވިޔަސް، އެބުނާ ހައްލަކީ ސްޕެއަރ ޕާޓްސް ގެނެސް ގެނެސްގެން ހޯރަަފުށީގައި ހުރި ލަގެޖް ސްކޭނަރު އަނެއްކާ ވެސް މަރާމާރު ކުރުންތޯ ނުވަތަ މުޅިން އައު ސްކޭނަރެއް ހޯރަފުއްޓައް ގެނައުން ކަން ސާފު ނުވާކަމަށް ވަލީދު ވިދާޅުވި އެވެ.
ދައުލަތުގެ ކުންފުންޔަކުން ހިންގާ އެއަޕޯޓެއްގެ ލަގެޖް ސްކޭން ކުރާ މެޝިނު މިހާ ގިނަ ދުވަސް ވަންދެން ބޭނުންނުކުރެވޭ ވަރަށް ހަލާކުވެފައި ހުރުމުގެ ސަބަބުން ގިނަ ފަރާތްތަކަކުން ދަނީ ސޯޝަލް މީޑިއާ ގައި ކަންބޮޑުވުން ފާޅުކުރަމުންނެވެ.
އިތުބާރު ހުރި ގޮތަކަށް މައުލޫމާތު ލިބިފައިވާ ގޮތުގައި މި ސަރުކާރު އައި ފަހުން ހޯރަފުށީ އެއަރޕޯޓުގެ ހާލަތު ރަނގަޅު ކުރަން އެއްވެސް މަސައްކަތެއް ކޮށްފަ އެއް ނުވެ އެވެ.
