ދ. މީދޫގައި ހިނގި ގެވެށި އަނިޔާގެ މައްސަލަ އެއްގައި ފޯނު ފުލުހުންގެ ބެލުމުގެ ދަށަސް ގެންދަން އުޅުމުން، ފުލުހުންގެ ވާޖިބަށް ހުރަސް އެޅި މީހަކު ހައްޔަރުކޮށްފި
މި މައްސަލައާ ގުޅިގެން މީދޫގެ ބައެއް ރައްޔިތުން ޕޮލިސް ސްޓޭޝަން ކައިރީ އެއްވެ އަޑުއުފުލާފައި. ފުލުހުން މި ދެ މައްސަލަ އިތުރަށް ތަހުގީގު ކުރަމުންދާކަމަށް ބުނެފިވޭ.
ދ. މީދޫ ގެ މަތިން ނަގާފައިވާ ފޮޓޯ އެއް | ގެސްޓް ހައުސެސް އޮފް ދަ މޯލްޑިވްސް
ދ. މީދޫގައި ހިނގި ގެވެށި އަނިޔާގެ މައްސަލަ އެއްގައި ފޯނު ފުލުހުންގެ ބެލުމުގެ ދަށަސް ގެންދަން އުޅުމުން، ފުލުހުންގެ ވާޖިބަށް ހުރަސް އެޅި މީހަކު ހައްޔަރުކޮށްފި އެވެ.
ފުލުހުން ބުނީ އެ މީހާ ހައްޔަރުކޮށްފައި ވަނީ ދ. މީދޫގައި ހިނގި ގެވެށި އަނިޔާގެ މައްސަލައަކާ ގުޅިގެން ފުލުހުން ހިންގާފައިވާ އޮޕަރޭޝަނެއްގެ ތެރެއިން ކަމަށެވެ.
ފުލުހުން އިތުރަށް ބުނީ މި މައްސަލައިގައި ހައްޔަރު ކުރި މީހާ ހައްޔަރުކޮށްފައި ވަނީ ގެވެށި އަނިޔާ ގެ މައްސަލައަކާ ގުޅިގެން، ކޯޓު އަމުރެއްގެ ދަށުން މީހެއްގެ ފޯނު ފުލުހުންގެ ބެލުމުގެ ދަށަށް ގެންދަން އުޅުމުން، އެކަމަށް ހުރަސްއެޅުމާއި، ފުލުހުންގެ ވާޖިބަށް އޭނާ ހުރަސް އަޅާފައިވާތީ ކަމަށެވެ.
މި މައްސަލަ އާއި ގުޅިގެން މީދޫގެ ބައެއް ރައްޔިތުން ވަނީ އެ ރަށު ޕޮލިސް ސްޓޭޝަން ކައިރި އަސް އެއްވެސް އަޑު އުފުލާފަ އެވެ. ފުލުހުން ވަނީ މި ގެވެށި އަނިޔާގެ މައްސަލަ އާއި، ފުލުހުންގެ ވާޖިބަށް ހުރަސް އެޅި މައްސަލަ އިތުރަށް ތަހުގީގު ކުރަމުންދާ ކަމަށް ބުނެފަ އެވެ.
