އަމްބާނީ އާއިލާ އިން ރާއްޖޭގައި ޗުއްޓީ ހޭދަކުރަމުން ގެންދަނީ ރެއަކަށް ތިރީސް ހާސް ޑޮލަރަށް ވުރެ ބޮޑު ޚަރަދެއް ކޮށްގެން ކަން ހާމަ ވެއްޖެ
އިންޑިއާގެ އަމްބާނީ އާއިލާ އިން ރާއްޖޭގައި ޗުއްޓީ ހޭދަކުރަމުން ދަނީ ރެއަކަށް 30 ހާސް ޑޮލަރަށް ވުރެ ބޮޑު ޚަރަދެއް ކޮށްގެން. މި ދެމަފިރިން ރާއްޖެ އައި އަމިއްލަ ބޯއިންގް ޕްރައިވެޓް ޖެޓުން، 50 މީހުންގެ ސަލާމަތީ ޓީމެއް ގެނައި.
ރިލަޔަންސް އިންޑަސްޓްރީސް ގެ ޗެއަރަމަން މުކޭޝް އަމްބާނީގެ ދަރިފުޅު އާނަންތު އަމްބާނީ (ކ) އާއި އޭނާގެ އަންހެނުން ރާދިކާ މާޗެންޓް (ވ) ޕެރިހުގައި 2024 ގައި އޮތް އޮލިމްޕިކް ގޭމްސް ބަލާލަން ކުރި ޒިޔާރަތުގައި އިންޑިއާ ހައުސް އަށް ޒިޔާރަތް ކުރަނީ - ޖުލައި 30، 2024. | ގެޓީ އިމޭޖަސް
އިންޑިއާގެ އަމްބާނީ އާއިލާ އިން ރާއްޖޭގައި ޗުއްޓީ ހޭދަކުރަމުން ގެންދަނީ ރެއަކަށް ތިރީސް ހާސް ޑޮލަރަށް ވުރެ ބޮޑު ޚަރަދެއް ކޮށްގެން ކަން ހާމަ ވެއްޖެ އެވެ. އެއީ އިންޑިއާގެ ފައިސާ އިން ނަމަ ރެއަކަށް 32 ލައްކަ ރުޕީސް އެވެ.
ރިލަޔަންސް އިންޑަސްޓްރީސް ގެ ޗެއަރަމަން, ބިލިއަނަރު މުކޭޝް އަމްބާނީގެ ދަރިފުޅު އާނަންތު އަމްބާނީ އާއި ރާދިކާ މާޗަންޓް ޗުއްޓީ ހޭދަކުރުމަށް ޚިޔާރު ކުރީ ރާއްޖޭގެ އެންމެ މަތީ ފަންތީގެ އެއް ރިސޯޓް ކަމަށްވާ ވޯލްޑޯފް އެސްޓޯރިއާ މޯލްޑިވްސް އިތާފުއްޓެވެ. މި ރިސޯޓުގެ ބައެއް ޝާހީ ވިލާތަކުގެ އަގު ޓެކްސްއާ ނުލައި ރެޔަކަށް 30.5 ހާސް އެމެރިކާ ޑޮލަރަށް ވުރެ މައްޗަށް އަރަ އެވެ.
އެންމެ މަތީ ފަންތީގެ ދިރިއުޅުމުގެ ވައްޓަފާޅިއަށް ލޯބިކުރާ، އަމްބާނީ އާއިލާ އަކީ ހައްދެއް ނެތް މުއްސަނދިކަމާއި ޝާހީ ދިރިއުޅުމުގެ ނަމޫނާއެކެވެ. އައު އަހަރު ފެށުން ގުޖުރާތު ގައި އާއިލީ އަދި ސަގާފީ ކަންކަމުގައި ވަގުތު ކޮޅެއް ހޭދަކުރުމަށް ފަހު، އާނަންތު އަމްބާނީ އާއި ރާދިކާ މާޗަންޓް މިވަނީ ރާއްޖޭގެ ނޫވިލުތަކާއި ހިތްގައިމު މާހައުލުގައި އަގު ބޮޑު ޗުއްޓީ އަކަށް ބޮޑު ހޭދައެއް ކޮށްފަ އެވެ.
ޚަބަރުތައް ބުނާ ގޮތުގައި، 2026 ޖެނުއަރީ 20 އިން ފެށިގެން މި ދެމަފިރިން ތިބީ ދުނިޔޭގެ މަގުބޫލުކަން ހޯދާފައިވާ ވޯލްޑޯފް އެސްޓޯރިއާ މޯލްޑިވްސް އިތާފުށީގަ އެވެ. އެމީހުން ރާއްޖެ އައި ގޮތުގެ ތަފުސީލުތަކަށް ބަލާއިރު ވެސް މިއީ ވަރަށް އަގުބޮޑު ދަތުރެއްކަން ހާމަވެ އެވެ. އާނަންތުގެ އަމިއްލަ ބޯއިންގް 737 ޕްރައިވެޓް ޖެޓް ޖެނުއަރީ 17 ވަނަ ދުވަހު ރާއްޖެ އަށް ޖައްސާފައިވާއިރު، އެ ދެމަފިރިންނާއެކު ސަލާމަތީ ކަންކަން ބަލަހައްޓާ ގާތްގަނޑަކަށް 50 މީހުންގެ ޓީމެއް އައިސްފައިވާ ކަމަށް މައުލޫމާތު ލިބެ އެވެ.
'ހޮޓެލިއާ މޯލްޑިވްސް' އިން ޖެނުއަރީ 20 ގައި އާންމުކުރި އިންސްޓަގްރާމް ޕޯސްޓެއްގައި ބުނެފައިވާ ގޮތުގައި، އާނަންތު އާއި ރާދިކާ ތިބީ އެވޯޑް ހާސިލުކޮށްފައިވާ ވޯލްޑޯފް އެސްޓޯރިއާ މޯލްޑިވްސް އިތާފުށީގަ އެވެ. މި ރިސޯޓަކީ އެފަދަ މަތީ ފަންތީގެ ވީވީއައިޕީންނަށް ބޭނުންވާނެ ފުރިހަމަ މިނިވަންކަމާއި ޚާއްޞަ ޚިދުމަތްތައް ފޯރުކޮށްދޭ ތަނެކެވެ. އޭގެ ތެރޭގައި ޚާއްޞަ ޕްރައިވެޓް ވިލާތަކާއި، ވަކިން ހާއްސަ ކެއްކުންތެރިންގެ ޓީމަކާއި، އަދި ޕާސަނަލް ކޮންސިއަރޖް ޚިދުމަތް ހިމެނެ އެވެ.
