ވިޔަފާރިވެރިންނަށް މުދާ އެތެރެ ކުރުމަށް ކޮންޓެއިނަރު ގަންނަން ނުވަތަ ބޮޑު ފީއެއް ދައްކަން ޖެހިދާނެ ކަމުގެ ބިރު ބޮޑުވެއްޖެ
ރާއްޖޭގެ ޕޯޓްސްގެ ތެރޭގައި ހުރި ކޮންޓެއިނަރުތަކެއް ވަގަށް ނެގުމަކީ ވަރަށް ބިރުބޮޑު އަދި ކަންބޮޑުވާންޖެހޭ ކަމެއް
ހުޅުމާލެ ވިޔަފާރި ބަނދަރު
ވިޔަފާރިވެރިންނަށް ރާއްޖެއަށް މުދާ އެތެރެ ކުރުމަށް ކުރިއަށް އޮތްތަނުގައި ކޮންޓެއިނަރު ގަންނަން ނުވަތަ ބޮޑު ފީއެއް ދައްކަންޖެހިދާނެ ކަމުގެ ބިރު ބޮޑުވެއްޖެއެވެ.
ރާއްޖެޓީވީގެ ޓީވީޓޯކް ޕްރޮގްރާމްގައި ރައްޔިތުންގެ މަޖިލީހުގެ މަކުނުދޫ ދާއިރާގެ ކުރީގެ މެންބަރު މުހައްދު ރާއީ ވިދާޅުވީ، ރާއްޖޭގެ ޕޯޓްސްގެ ތެރޭގައި ހުރި ކޮންޓެއިނަރުތަކެއް ވަގަށް ނެގުމަކީ ވަރަށް ބިރު ބޮޑު ކަމެއް ކަމަށާއި، ވަރަށް ބޮޑު ކަންބޮޑުވުމެއް ކަމަށެވެ.
ރާއީ ވިދާޅުވީ މިކަމުގެ ސަބަބުން ކުރިއަށް އޮތްތަނުގައި ރާއްޖެއަށް ޝިޕިންއެއަރލައިންތަކުން އެމީހުންގެ ޕްރޮޕަރޓީ ފޮނުވުމަށް ދެކޮޅު ހެދުމުގެ ބިރު އެބައޮތް ކަމަށެވެ. ކޮންޓެއިނަރު ފަދަ އެއްޗެހި ފޮނުވުމަށް ދެކޮޅު ހަދާކަމަށްވާނަމަ ވިޔަފާރިވެރިން ރާއްޖެއަށް ކާގޯ ގެނައުމަށް ކޮންޓެއިނަރު ވެސް ގަންނަން މަޖުބާރުވާނެ ކަމަށާއި ނުވަތަ އެހެން ގޮތަކަށް ބޮޑު ފީއެއް ދައްކަން ޖެހޭނެ ކަމަށެވެ. އަދި މިގޮތަށް މިކަންވެއްޖެނަމަ ތަކެތީ އަގު އިންތިހާއަށް މައްޗަށް ދާނެ ކަމަށް އޭނާ ވިދާޅުވިއެވެ.
މީގައި ހުރި ނުރައްކާ ކަމަކީ މި ދެ ކޮންޓެއިނަރއަކީ ދުނިޔޭގައި ކޮންޓެއިނަރ ލައިންގައި އެއީ ވޯލްޑް ނަންބަރ 11. 11 ވަނައަށް އެންމެ ބޮޑު ކޮންޓެއިނަރލައިން މިއީ. އެމީހުންގެ ދެ ކޮންޓެއިނަރު ރާއްޖޭގެ ޕޯޓު ތެރޭގައި ހުއްޓާ މިއުޅެނީ ވަގަށް ނަގައިގެން. ރާއްޖޭގެ ނޫސްތަކުން ނޫނިއްޔާ އިދިކޮޅު ޕާޓީތަކުންނާއި މީސްމީހުން އެ ޝިޕްލައިންތަކަށްރައްޔިތުންގެ މަޖިލީހުގެ މަކުނުދޫ ދާއިރާގެ ކުރީގެ މެންބަރު މުހައްދު ރާއީ
މިއީ ސްމަގަލް ކުރުމުގެ ބޮޑު މައްސަލައެއްކަން ފާހަގަކުރައްވައި ރައީ ވިދާޅުވީ ވަގަށް ނެގި 13 މިލިއަން ސިނގިރެޓް މިމައްސަލާގެ ފޯކަސް އަނބުރާލުމަށް މިސަރުކާރު ވަރަށް ބޮޑަށް މަސައްކަތް ކުރަމުންދާ ކަމަށެވެ. އަދި ވިދާޅުވީ މިމައްސަލައިގެ ފަހަތުގައި ބާރުގަދަ ފަރާތްތަކެއްވާ ކަމަށެވެ.
