އަޅުގަނޑުމެން މި ނުކުންނަނީ މިހާރު ވެރިކަމުގައި ހުރި އަނިޔާވެރި ވަލިއްޔުލްއަމްރު އަޒުލުކުރަން: މީކާއީލް
ލޫޓުވައިފި ލީޓުވައިފި އެއްވުމަކީ ވެރިކަމުގައި ހުރި ވަލިއްޔުލްއަމްރު އަޒުލުކުރަން ބާއްވާ އެއްވުމެއް
ލޫޓުވައިފި ލޫޓުވައިފި އެއްވުމުގައި ގަލޮޅު ދެކުނު ދާއިރާގެ މެންބަރު މީކާއިލް އަހުމަދު ނަސީމް ވާހަކަ ދައްކަވަނީ - 03 އޮކްޓޯބަރު 2025
އެމްޑީޕީން އާޓިފިޝަލް ބީޗުގައި މިހާރު ކުރިޔަށް ގެންދާ "ލޫޓުވައިފި ލީޓުވައިފި" ބޮޑު އެއްވުމަކީ މިހާރު ވެރިކަމުގައި ހުރި އަނިޔާވެރި ވަލިއްޔުލްއަމްރު އަޒުލުކުރަން ބާއްވާ އެއްވުމުގެ ފަށުން ކަމަށް ގަލޮޅު ދެކުނުދާއިރާގެ މަޖިލިސް މެމްބަރު މީކާއީލް އަހުމަދު ނަސީލް ވިދާޅުވެއްޖެ އެވެ.
މީކާއީލް މިފަދައިން ވިދާޅުވީ އެމްޑީޕީން އާޓިފިޝަލް ބީޗުގައި މިހާރު ކުރިޔަށް ގެންދާ އިދިކޮޅު ފަރާތްތަކުގެ ބޮޑު އެވުމުގައި ވާހަކަ ދައްކަވަމުންނެވެ.
މީކާއިލް ވިދާޅުވީ މި ގައުމުގައި މިހާރު މިއޮތް ސަރުކާރަކީ ރާއްޖޭގެ ފެހި ގާނޫނު އަސާސީ ވުޖޫދުވިފަހުން އެއްވެއުޅުމުގެ ހައްގުގެ ބޭނުންހިފައިގެން 20 އަހަރުގެ ޒުވާނުންތަކަކަށް ދައުވާއުފުލި ހަމައެކަނި ސަރުކާރު ކަމަށާއި އެހެން ކަމުން މިސާރުގެ ވެރިމީހާ ގެ ކިބައިން މިގައުމު ސަލާމަތް ކުރަން ޖެހޭ ކަމަށެވެ.
މީގެ އިތުރުން ބޮޑުންގެ ދަރިންނާއި ވަޒީރުންގެ ދަރިން ޑިޕލޮމެޓް ޕާސްޕޮޓުގައި ރާއްޖެއަށް ވޭޕް އެތެރެކުރީމައި އޭނާގެ ވަނަވަރު ވަންހަނާކޮށް އާދައިގެ ނިކަމެތި މީހާ ފަލީހަތްކުރާ މި ބޭއިންސާފުގެ ވެރިޔާ އަށް ރައްޔިތުންގެ އިންސާފު މީޒާން ދައްކާލަން ޖެހޭ ކަމަށް ވެސް މީކާއިލް ވިދާޅުވި އެވެ.
ދިވެހިރާއްޖޭގެ މުޅި މާލީ ނިޒާމް ޚަރާބުކޮށް ދިވެހިރާއްޖޭގެ ތާރީޚުގައި ވެސް ދިވެހި ރުފިޔާގެ އަގު ދަށް ނުވާވަރަށް އަގުދައްކޮށް، ވިޔަފާރިތަކުގެ ވިކުރާ ހުސްކޮށް، ދިވެހިރާއްޖޭގެ ސެންޓްރަލް ބޭންކާއި ބޭންކް އޮފް މޯލްޑިވްސް އަކީ ދިމްޔާތުގެ ސައިހޮޓަލަަށް ވުރެ އަގުދައް މިނިވަންކަމެއް ނެތް ތަނަކަށް ހެއްދެވި ވެރިމީހާ ވެރިކަމުން ބާލަން ޖެހޭ ކަމަށް މީކާއިލް ވިދާޅުވި އެވެ.
ދިވެހިރާއްޖޭގެ އެންމެ މަތީ ކޯޓުގައި، ދިވެހިރާއްޖޭގެ އެންމެމަތީ ކޯޓުގައި. މިހާތަނަށް ތާވަލް ކުރެވުނު އެންމެ މުހިންމު ތުސްތޫރީ މައްސަލަ ހިނގަހިނގާ އޮއްވައި، އެ މައްސަލަބަލަން ތިބި ފަނޑިޔާރުންގެ ތެރެއިން ފަނޑިޔާރުންތަކެއް ކަނޑާ އެއްލާ، ހަމަ އެ ފަނޑިޔާރު މީހާ ތިބޭފުޅުންގެ ޓެކުހުގެ މައްސަލަތަށް ބަލަން ޓެކްސް އެޕީލް ޓްރެބިއުނަލް އަށް ލާންއުޅޭ މި އުނބުގަނޑުގެ ކިބައިން ސަލާމަތްވާން ތައްޔާރުތޯ..ގަލޮޅު ދެކުނުދާއިރާގެ މަޖިލިސް މެމްބަރު މީކާއީލް އަހުމަދު ނަސީލް
މީކާއިލް އިތުރަށް ވިދާޅުވީ މިރޭ އެއްވުމުގެ ބައިވެރިން ނުކުމެ މިތިބީ މިހާރު ވެރިކަމުގައި ހުރި ނުލަފާ ޖައްބާރު، ޚުދުމުހުތާރު ވެރިމީހާ އަޒުލުކުރަން ކަމަށެވެ.
