ޤާނޫނު އަސާސީން ކަށަވަރުކޮށްދޭ ހިޔާލު ފާޅުކުރުމުގެ މިނިވަންކަމާއި އެއްވެ އުޅުމުގެ މިނިވަން ކަމަށް ފުލުހުން ހުރަސް ނޭޅުމަށް އެމްޑީޕީން ގޮވާލައިފި
ހިޔާލު ފާޅުކުރުމުގެ މިނިވަންކަމާއި އެއްވެ އުޅުމުގެ މިނިވަން ކަމަކީ ގާނޫނު އަސާސީ އިން ރައްޔިތުންނަށް ލިބޭ ހައްގެއް
ބޮޑު އެއްވުމަށް އަތޮޅުތަކުން މީހުން މާލެ އަންނަނީ
ދިވެހި ރައްޔިތުންނަށް ޤާނޫނުއަސާސީން ކަށަވަރުކޮށްދޭ ހިޔާލު ފާޅުކުރުމުގެ މިނިވަންކަމާއި އެއްވެ އުޅުމުގެ މިނިވަންކަމަށް ފުލުހުން ހުރަސް ނޭޅުމަށް އެމްޑީޕީން ގޮވާލައިފިއެވެ.
ޕާޓީގެ ލީގަލް ޑައިރެކްޓަރ އަހްމަދު މައުރޫފް އެކްސް ގައި ކުރެއްވި ޕޯސްޓެއްގައި ވިދާޅުވީ، މި ފަދަ ޣައިރުޤާނޫނީ އަމުރުތަކަށް ތަބާ ނުވުމަށާއި ތަންފީޒު ނުކުރުމަށް ފުލުހުންނަށް ދަންނަވާ ކަމަށެވެ.
'ލޫޓުވައިފި، ލޫޓުވައިފި' ނަމުގައި އެމްޑީޕީ އިން ހުކުރު ދުވަހުގެ ރޭ ބާއްވާ ބޮޑު އެއްވުމަށް ކުޑަ ތަން ވެފައި ވަނިކޮށް ފުލުހުން ވަނީ "ފުލުހުން ކުރިއަށް ގެންދާ އޮޕަރޭޝަނަކާ ގުޅިގެން މިއަދާއި މިރޭގެ އެކި ވަގުތުތަކުގައި އާންމު ޓްރެފިކަށާއި ހިނގާ މީހުންނަށް މާލޭގެ އެކި ސަރަހައްދުތައް ބަންދުކުރެވޭނެ ވާހަކަ ދަންނަވަން،" ކަމަށް ބުނެ އެކްސް ގައި ޕޯސްޓެއް ކޮށްފައެވެ.
އެމްޑީޕީ އިން ރާވާ ބޮޑު އެއްވުމަށް ރާއްޖޭގެ އެކި ކަންކޮޅުތަކުން ގިނަ އަދަދެއްގެ ބަޔަކު ވަނީ މާލެ އައިސްފައެވެ.
