އެމްޑީޕީ އިން ބާއްވާ ބޮޑުއެއްވުމަށް ފުލުހުން ހުއްދަދީފި
"ލޫޓުވައިފި ލޫޓުވައި" ނަމުގައި އެމްޑީޕީން އޮކްޓޯބަރު މަހުގެ 3 ވަނަ ދުވަހު މާލޭގައި ބޮޑު އެއްވުމެއް ބާއްވަން ނިންމައި، އެކަމަށް ތައްޔާރުވުމުގެ މަސައްކަތް އަންނަނީ ވަރަށް ފޯރިއާއެކު ކުރަމުން
3 އޮކްޓޯބަރުގައި ބާއްވާ ބޮޑު މުޒާހަރާއަށް އެމްޑީޕީއިން ދަނީ ވަރަށް ފޯރިއާއެކު ތައްޔާރުވަމުން
އޮކްޓޯބަރު 3 ވަނަ ދުވަހު އެމްޑީޕީގެ ފާރަތުން ބާއްވާ ބޮޑު އެއްވުން ބޭއްވުމަށް ފުލުހުންގެ ފަރާތުން ހުއްދަފީފިއެވެ.
އެމްޑިޕީގެ ފަރާތުން ބައްވާ ސުލްހަވެރި ސިޔާސީ ހަރަކާތް ކުރިޔަށް ގެންދިޔުމަށް ފުލުހުން ހުއްދަ ދީފައި މިވަނީ، ފުލުހުންގެ އެދުމުގެ މަތިން އެމްޑީޕީގެ އިސްފަރާތްތަކާއެކު ބޭއްވުނު ބައްދަލުވުމަކަށްފަހުއެވެ.
އިސްކަންދަރު ކޮށީގައި ބޭއްވި މިބައްދަލުވުމުގައި 3 އޮކްޓޯބަރުގައި އެމްޑީޕީގެ ފަރާތުން ބާއްވާ އެއްވުން ކުރިޔަށްދާނެ ގޮތުގެ މައުލޫމާތު ފުލުހުންނާ ހިއްސާކޮށްފައިވާނޭކަމަށް މި ބައްދަލުވުމުގައި ބައިވެރިވެލެއްވި އެމްޑީޕީގެ ޑެޕިއުޓީ ޗެއަރޕާސަން އިބްރާހިމް ވަހީދު ވަނީ ވިދާޅުވެފައެވެ. އަދި އެމްޑިޕީއިން މި ސުލްހަވެރި ސިޔާސީ ހަރަކާތް ކުރިޔަށްގެންދާ ވަގުތު ސަލާމަތީކަންކަން ބެހެލެއްޓުމުގައި ފުލުހުންގެ ފުރިހަމަ އެއްބާރުލުން ލިބޭނެކަމުގެ ޔަގީންކަން ފުލުހުން ދެއްވާފައިވާކަމަށް އެމްޑީޕީގެ ފަރާތުން މިބައްދަލުވުމުގައި ބައިވެރިވި ފަރާތްތަކުން ފާހަގަ ކުރެއްވިއެވެ.
މީގެ އިތުރުން އޮކްޓޯބަރު 3 ވަނަ ދުވަހު އެމްޑީޕީގެ ފާރަތުން ބާއްވާ ބޮޑު އެއްވުމުގައި ވީހާވެސް ގިނަ ރައްޔިތުން ބައިބެރިވުމަށް އެމްޑީޕީގެ ފަރާތުން އެދިފައިވެއެވެ.
ފުލުހުން އަޅުގަނޑުމެން ކައިރީ އެދުނީ، އޮކްޓޯބަރު 3 ގައި އަޅުގަނޑުމެން ބާއްވާ އެއްވުމާ ބެހޭގޮތުން ފުލުހުން ބައެއްކަންކަން ސާފުކުރަން ބޭނުންވާތީ ބައްދަލުކުރަން ބޭނުންކަމަށް، އެހެންވެ އަޅުގަނޑުމެން ބައްދަލުވެ ދެފަރާތުގެ މެދުގައި ވާހަކަދެކެވި އަޅުގަނޑުމެން އެއްވުން ކުރިޔަށް ގެންދިޔުމަށް ހަމަޖެހިފަވާގޮތުގެ މައުލޫމާތުވާނީ ފުލުހުންނަށް ދެވިފަ. އަޅުގަނޑުމެން މި ބަލަނީ ފުލުހުންގެ ފަރާތުން.. އަޅުގަނޑުމެން މި ބާއްވާ އެއްވުމަކީ ސުލްހަވެރި ސިޔާސީ ހަރަކާތަކަށްވާތީ މިކަމަށް ދޭންވާ ފުރިހަމަ އެއްބާރުލުންދީ މިކަމުގެ ސަލާމަތީ ކަންކަން އެންމެ ރަނގަޅަށް ބަލަހައްޓަދޭކަމަށްއެމްޑީޕީގެ ޑެޕިއުޓީ ޗެއަރޕާސަން އިބްރާހިމް ވަހީދު
"ލޫޓުވައިފި ލޫޓުވައި" ނަމުގައި އެމްޑީޕީން އޮކްޓޯބަރު މަހުގެ 3 ވަނަ ދުވަހު މާލޭގައި ބޮޑު އެއްވުމެއް ބާއްވަން ނިންމައި، އެކަމަށް ތައްޔާރުވުމުގެ މަސައްކަތް އަންނަނީ ވަރަށް ފޯރިއާއެކު ކުރަމުންނެވެ. އެގޮތުން މާލެއާއި ހުޅުމާލޭގެ ބޮޑެތި މަގުތަކުގައި އެމްޑީޕީން އަންނަނީ ޕޯސްޓަރުތަކާއި ބެނާތައް ހަރުކުރަމުންނެވެ. އަދި މީގެ އިތުރުން ބޮޑު އެއްވުމަށް ތައްޔާރު ވުމުގެ ގޮތުން ސިލްސިލާ ގޮތެއްގައި މާލެ އާއި ހުޅުމާލޭގެ އެކި ސަރަހައްދުތަކުގައި ޕިކަޕް ޖަލްސާތައްވެސް ބާާއްވަމުންދެއެވެ.
ރައީސް މުއިއްޒުގެ ސަރުކާރުން މިހާރު ފެންނަނީ ހުދުމުހުތާރު ވެރިކަމެއް ކުރެއްވުމަށްޓަކާ މަގުކޮށަމުންދާ މަންޒަރުކަމަށް ގިނަ ބަޔަކު ސިފަކުރެއެވެ. އަދި ސަރުކާރުގެ ދޯހަޅި ސިޔާސަތުތަކުގެ ސަބަބުން ދިވެހިރައްޔިތުން އިންތިހާއަށް ބިކަވެފައިވާ މި ދަނޑިވަޅުގައި ސަރުކާރު ޒިންމާދާރު ކުރުމުގެ ހަރަކާތްތައް ވަނީ އިތުރުވެފައެވެ.
ދިވެހިރާއްޖޭގެ ދުސްތޫރީ ނިޒާމު ހަލާކު ކުރުމަށްޓަކާ ރައީސް މުއިއްޒުގެ ސަރުކާރުން ކުރަމުންގެންދާ މަސައްކަތްތައް ހުއްޓުވުމަށް އިދިކޮޅު މައި ޕާޓީ، އެމްޑީޕީގެ ފަރާތުން އޮކްޓޯބަރު 3 ވަނަ ދުވަހު މާލޭގައި ބޮޑު އެއްވުމެއް ބޭއްވުމަށް ވަނީ ހަމަޖެހިފަިވާއިރު، "ފުލްސްޓޮޕް މޫވްމެންޓް" ގެ ނަމުގައި ޒުވާނުންނާއި ނޫސްވެރިން އިސްނަގައިގެން، ދިވެހި ރައްޔިތުންގެ މަދަނީ ހައްގުތަކަށް ވަކާލާތުކުރުމަށް ސިލްސިލާ ހަރަކާތްތަކެއް ކުރިއަށް ގެންދިއުމަށްވެސް ވަނީ ރޭވިފައެވެ.
ރައީސް މުއިއްޒުގެ މިސަރުކާރު ޒިންމާދާރު ކުރުވާ ޖަވާބުދާރީ ކުރުވަން އިދިކޮޅު ހުރިހާ ސިޔާސީ ޕާޓީތަކަށް ކުރީގެ ރައީސް އަބްދުﷲ ޔާމީން ވެސް ވަނީ ދައުވަތުއަރުވާފަ އެވެ. އަދި ސަރުކާރު ހަމަމަގަށް އެޅުވުމަށްޓަކާ ހުރިހާ ސިޔާސީ ޕާޓީތަކާއެކު މަސައްކަތްކުރަން އަދާލަތު ޕާޓީ ތައްޔާރަށް އޮތްކަން އެޕާޓީގެ ރައީސް ޝެއިޚް އިމްރާން އަބްދުﷲ ވެސް ވިދާޅުވެފައިވެއެވެ.
