ދޮންފަނު ރައްޔިތުންނާއި ގުޅޭގޮތުން ރައީސް މުއިއްޒު ކަނޑައެޅިގެން އިތުރުފުޅު ހައްދަވާފައިވާތީ، އެކަން ދޮންފަނު ކައުންސިލުން ކުށްވެރިކޮށްފި
13 އޮގަސްޓް 2025 ގައި ރައީސް މުއިއްޒު ދޮންފަނަށް ވަޑައިގެން، ބިން ހިއްކުމުގެ މަސައްކަތް ކުރުމަށް ރަށު ރައްޔިތުންގެ ކުރިމަތީގައި އެމްޓީސީސީއާ އެކު ވަނީ އެއްބަސްވުމުގައި ސޮއިކުރައްވާފަ
ބ، ދޮންފަނު ބިންހިއްކުމުގެ އެއްބަސްވުމުގައި ސޮއި ކުރުމުގެ ރަސްމިއްޔާތުގެ ތެރެއިން, އެއްބަސްވުމުގައި ސޮއި ކުރިތާ މަސް ދުވަސް ނުވަނިސް، ރައްޔިތުންގެ އެދުމުގެ މަތިން ކަމުގައި ބުނެ ރައީސް މުއިއްޒުވަނީ މި މަސައްކަތް ހުއްޓާލަން ނިންމާފަ.
ބ. ދޮންފަނު ބިން ހިއްކުމުގެ މަޝްރޫޢު ކުރިއަށް ނުގެންދަން ނިންމާފައިވަނީ އެރަށު ރައްޔިތުންގެ އެދުމުގެ މަތިން ކަމަށް ރައީސް މުއިއްޒު ދެއްކެވި ވާހަކަފުޅުތަކަކީ ސީދާ އިތުރުފުޅެއް ކަމަށް ބުނެ، ދޮންފަނު ކައުންސިލުން އެކަން ހަރުކަށި އިބާރާތުން ކުށްވެރިކޮށްފިއެވެ.
ކައުންސިލުން ނެރުނު ބަޔާނުގައި ފާހަގަކޮށްފައިވާ ގޮތުގައި، 13 އޮގަސްޓް 2025 ގައި ރައީސް މުއިއްޒު ދޮންފަނަށް ވަޑައިގެން، ބިން ހިއްކުމުގެ މަސައްކަތް ކުރުމަށް ރަށު ރައްޔިތުންގެ ކުރިމަތީގައި އެމްޓީސީސީއާ އެކު ވަނީ އެއްބަސްވުމުގައި ސޮއިކުރައްވާފަ އެވެ. ނަމަވެސް 9 ސެޕްޓެމްބަރ 2025 ގައި ރަށު ރައްޔިތުން ބިން ހިއްކުމަށް ބޭނުންނުވާ ކަމަށް ވިދާޅުވެ މަޝްރޫޢު ހުއްޓާލައްވަން ނިންމަވާފައިވަނީ، ރައްޔިތުންނާއި ކައުންސިލާ އެއްވެސް މަޝްވަރާއެއް ކުރުމެއްނެތި ކަމުގައެެވެ.
ދޮންފަނަކީ ބިމުގެ ޖާގައިގެ ދަތިކަން އިންތިހާއަށް ކުރިމަތިވެފައިވާ ރަށެއްކަމަށާއި، ބޯހިޔާވަހިކަމުގެ މައްސަލައަށް ހައްލެއް ފެންނަން އޮތީ ހަމައެކަނި ރަށުގެ ބިން ހިއްކައިގެން ކަމަށް ކައުންސިލުން ވަނީ ފާހަގަކޮށްފައެވެ. އަދި މި މަޝްރޫޢަކީ ރައްޔިތުން އެންމެ ބޮޑަށް ބޭނުންވެފައިވާ އެއް މަޝްރޫޢު ކަމަށްވެފައި، ރައްޔިތުންނާ މަޝްވަރާކުރުމެއްނެތި ކުއްލި ގޮތަކަށް މިފަދަ ނިންމުމެއް ނިންމެވުމަކީ ރައްޔިތުންނާއި ކައުންސިލް ނުހަނު ކަންބޮޑުވާ ކަމެއް ކަމުގައިވެސް ބަޔާނުގައި ބުނެފައިވެ އެވެ.
ކައުންސިލުން ވަނީ ރައްޔިތުންނާއި ކައުންސިލްގެ އެދުމާ ދެކޮޅަށް ނިންމަވާފައިވާ މި ނިންމެވުން އަނބުރާ ގެންދެވުމަށް ރައީސް މުއިއްޒަށް ގޮވާލައްވާފައެވެ. އަދި މި މަޝްރޫޢު ކުރިއަށް ގެންދިއުމަށް އެއްވެސް ދަތިކަމެއް ހުރިނަމަ، އެކަމެއް ހައްލުކޮށްދިނުމަށް އެދިފައިވެއެވެ.
މީގެ އިތުރުން ކައުންސިލުން ވަނީ، ރައްޔިތުން އެދިފައިވާ ގޮތަށް ދޮންފަނުގެ ބިން ހިއްކުމުގެ މަސައްކަތް ވީހާވެސް އަވަހަށް ފެއްޓެވުމަށާއި، ރައީސް މުއިއްޒުގެ ވައުދުފުޅާ އެއްގޮތަށް ރައްޔިތުންނަށް ދިމާވެފައިވާ ބޯހިޔާވަހިކަމުގެ މައްސަލައަށް ހައްލެއް ހޯއްދަވައި ދެއްވުމަށް އެދި ގޮވާލައްވާފައެވެ.
ބ. ދޮންފަނުން ބިން ހިއްކަން ރައްޔިތުން ނޭދޭ ކަމަށް ވިދާޅުވެ ބިން ހިއްކުމުގެ ޕްރޮޖެކްޓު ކުރިއަށް ނުގެންދިއުމަށް ރައީސް މުހައްމަދު މުއިއްޒު ނިންމެވުމުން އެ ރަށު ރައްޔިތުން ވަނީ މުޒާހަރާވެސް ކޮށްފައެވެ. ސަރުކާރުން ކުރާ މިފަދަ ތާކުންތާކު ނުޖެހޭ ކަންތައްތަކުގެ ސަބަބުން ގިނަބައެއްގެ ފާޑުކިޔުން މިހާރުވެސް ރައީސް މުއިއްޒުގެ ސަރުކާރަސް އަމާޒުވެއެވެ.
