އުކުޅަހު ކައުންސިލުން ޓޫރިޒަމް ވިޔަފާރިއަށް ހެދި ލޭންޑް ޔޫސް ޕްލޭން ބޭކާރު، ރައީސް ވިދާޅުވީ އެ ޕްލޭން ބަދަލުކޮށް ބިންތަކުން ދޭނީ ގޯތި ކަމަށް
އއ. އުކުޅަހު ކައުންސިލުން ހުށަހަޅާފައިވާ ލޯކަލް ޓޫރިޒަމް ބިންތައް ރައްޔިތުން ދިރިއުޅުމަށް ގޯތި ދޭން ބަދަލުކުރައްވާނެ ކަމަށް ރައީސް ވިދާޅުވި
ރައީސް މުއިއްޒު އުކުޅަހު ރައްޔިތުންނާއި ބައްދަލުކުރައްވައި ވާހަފުޅުދައްކަވަނީ
އއ. އުކުޅަހު ކައުންސިލުން އެކުލަވާލި ލޯކަލް ޓޫރިޒަމް ލޭންޑް ޔޫސް ޕްލޭން ދަބަލުކޮށް އެ ޕްލޭނުގައި ހުރި ބިންތައް ރަށުގެ ރައްޔިތުންނަށް ގޯތި ދެވޭގޮތަށް ބަދަލުކުރައްވާނޭ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
އުކުޅަހު ކައުންސިލުން ވަނީ އެ ރަށުގައި ލޯކަލް ޓޫރުޒަމް ކުރިއަރުވަން ލޭންޑް ޔޫސް ޕްލޭނެއް އެކުލަވާލައި އެ ޕްލޭން މިނިސްޓްރީއަށް ހުށަހަޅާފަ އެވެ.
ރައީސް ވިދާޅުވީ އުކުޅަހު ކައުންސިލުން މިނިސްޓްރީއަށް ފޮނުވާފައިވާ ލޭންޑް ޔޫސް ޕްލޭން ގައި ވާގޮތުން ގިނަ ގޯތި ދޭގޮތަށް ޕްލޭން ހަދާފައި ނުވާ ކަމަށާއި މިހާރު އޮތް ގޮތުން ޕްލޭނުގައި ވަނީ ހަމަ އެކަނި 174 ގޯތި ދިނުމަށް ކަމަށެވެ. އަދި މިއީ ރަށުގެ ރައްޔިތުންނަށް އެންމެ އެކަށީގެންވާ ވަރު ބޯހިޔާވަކިކަމެއް ލިބިގެންދާނޭ ޕްލޭނެއް ނޫން ކަމަށް ވެސް ރައީސް ވިދާޅުވި އެވެ.
އަދި އުކުޅުހު ކައުންސިލުން ހުށަހަޅާފައިވާ ލޭންޑް ޔޫސް ޕްލޭނުގައި ގިނަ ބިންތައް ކަނޑައަޅާފައި ހުރީ ލޯކަލް ޓޫރުޒަމަށް ފުރުސަތު ހުޅުވާލުމަށް ކަމަށް ވެސް ރައީސް ވިދާޅުވި އެވެ.
އެހެން ނަމަވެސް މިވަގުތު ރަށުގެ ރައްޔިތުންނަށް އެންމެ މުހިންމު ވަނީ ދިރިއުޅުމަށް ގޯތި ނުވަތަ ގެވަޅު ދިނުން ކަމަށާއި އެ ޕްލޭނުގައި ގޯތި ދިނުމަށް މާ އެކަށޭނެ ބިންތަކެއް ނެތް ކަންރައީސް ފާހަގަކުރެއްވި އެވެ.
ރައީސް މުއިއްޒު ވިދާޅުވީ އުކުޅަހު ރައްޔިތުންނަށް ލޯކަލް ޓޫރުޒަމަށް ވުރެ މިވަގުތު މުހިންމީ ދިރިއުޅޭނޭ ގޯތިގެދޮރު ކަމަށެވެ. އެހެންކަމުން އުކުޅަހު ކައުންސިލުން ހުށަހަޅާފައި އޮތް ލޭންޑް ޔޫސް ޕްލޭން އިސްލާހު ކުރައްވާނޭ ކަމަށް ވިދާޅުވި އެވެ.
ކައުންސިލުން ލޯކަލް ޓޫރިޒަމަށް ހުށަހަޅާފައިވާ ބިންތައް ސަރުކާރުން ލޭންޑް ޔޫސް ޕްލޭސް ފާސްކުރާއިރު ގިނައިން ގޯތި ދޭގޮތަށް ބަދަލުކުރައްވާނެ ކަމަށް ރައީސް ވިދާޅުވި އެވެ. އަދި އެގޮތަށް ބަދަލުކޮށް 250 ގޯތި ދެވޭ ވަރަށް ލޭންޑް ޔޫސް ޕްލޭން އިސްލާހުކުރައްވާނޭ ކަމަށް ރައީސް ވިދާޅުވި އެވެ.
އުކުޅަހު ރައްޔިތުންނަށް ލޯކަލް ޓޫރިޒަމަށް ވުރެ މިވަގުތު މުހިންމީ ދިރިއުޅޭނޭ ގޯތިގެދޮރު. އެހެންކަމުން އުކުޅަހު ކައުންސިލުން ހުށަހަޅާފައި އޮތް ލޭންޑް ޔޫސް ޕްލޭން އިސްލާހު ކޮށް ކައުސިލުން ލޯކަލް ޓޫރިޒަމަށް ހުށަހަޅާފައިވާ ބިންތައް ސަރުކާރުން ލޭންޑް ޔޫސް ޕްލޭސް ފާސްކުރާއިރު 250 ގޯތި ދެވޭ ވަރަށް ލޭންޑް ޔޫސް ޕްލޭން އިސްލާހުކުރާނަންރައީސް ޑރ. މުޙައްމަދު މުއިއްޒު
މީގެ އިތުރުން ރައީސް ވިދާޅުވީ އެ ޕްލޭން އިސްލާކޮށް ދޭ 2025 ގޯތި ދޫކުރުުގެ ހުއްދަ ފެށޭ ހަފްތާތެރޭގައި ދެވިގެން ދާނޭ ކަމަށެވެ.
