ކ. މާލެ
|
11 ޖުލައި 2025 | ހުކުރު 18:13
ފޮރިން މިނިސްޓަރ ހަލީލު އަދި އިންޑިއާ އަށް ފާޑުކީ ބައެއް ސިޔާސީ މީހުން
ސޯޝަލް މީޑިއާ
ޚާރިޖީ ގުޅުން
ގައުމުތަކާ އޮންނަ ގުޅުމަށް އަަސަރު ނުކުރާ ގޮތަށް އުޅުމަށް, ފުރަތަމަ ނަސޭހަތް ދޭންވީ ބޭފުޅުން ތިބީ ސަރުކާރު މަތީ ފަޑީގައި!
މީޑިއާތަކުން ގެނެސްދޭ ޚަބަރުތަކުން މި ޤައުމަށް ނިކަން ގެއްލުންވާ ވާހަކަ ދެއްކުމުގެ ކުރިން ޚާރިޖީ ވަޒީރު ބައްލަވާލެއްވުން ރަނގަޅީ ސަރުކާރުގެ އެތެރެވަރިއަށެވެ. ފުރަތަމަ ފަށަންވީ އެ ހިސާބުންނެވެ. މީޑިއާތަކުގެ ގިރުވާނުގައި ހިފަންވާނީ އޭގެ ފަހުން ނޫންތޯއެވެ.
އަޖާއިބުވެ އަންތަރީސްވެއްޖައީމުއެވެ. މީޑިއާތަކުން ގެނެސްދޭ ޚަބަރުތަކުން މި ޤައުމަށް ނިކަން ގެއްލުންވާ ވާހަކަ ނިކަން ހަރު އަޑުން ޚާރިޖީ ވަޒީރު ޑރ. އަބްދުالله ހަލީލު ވިދާޅުވި ވާހަކަ ކިޔާފައި ހިތަށް ލައްކަ އެއްޗެހި އަރައިފިއެވެ. އެހެން ނުވާންވީ ސަބަބެއްވެސް ނެތެއް ނޫންތޯއެވެ.
މިއަދު އެ މަނިކުފާނު އެ ވިދާޅުވަނީ ގައުމުތަކާއި މެދު އޮންނަ ގުޅުމަށް ބުރު ނާރުވަން އިރުޝާދު ދެއްވާ ވާހަކަ އެވެ. އެ ވާހަކަ އަކީ އޭގެ ޒާތުގައި އެއްވެސް ހާލެއްގައި ގޯސް ވާހަކަ އެއް ނޫނެވެ. އަޖާއިބުވާން ޖެހުނީ މިހާރުގެ ބަހުން ބުނާ ނަމަ އެކަމުގެ "ހިޕޮކްރަސީ" އާއި މެދު ހިތަށް އެރުމަށް ފަހުގައެވެ.
މިނިސްޓަރ ވިދާޅުވާތީ އަޑު އެހީމެވެ. ހާރިޖީ ގުޅުންތަކަށް އަސަރު ކުރާ ވަރުގެ ހަބަރެއް ވެއްޖިއްޔާ، "ގައުމަށް ޓަކައި" އެ ހަބަރު ނުލިޔުން ރަނގަޅެވެ. މާތް މަނިކުފާނެވެ. މަނިކުފާނު ޚާރިޖީ ވަޒީރުކަމަށް ވަޑައިގަތުމުގެ ކުރިން މި ދައުރުގައި ޚާރިޖީ ދާއިރާ އަށް ވީ ގޮތާއި އޭގެ ފަހުން ކަން ހިނގި ގޮތް މަނިކުފާނަށް އެނގިވަޑައި ނުގެން ހުންނަވާނެ ކަމަކަށް އަޅުގަނޑަކަށް ޤަބޫލެއް ނުކުރެވެއެވެ.
މި ސަރުކާރުގެ ސްޓޭޓް މިނިސްޓަރުންކޮޅެއްގެ ނެއެއްގާނީ ބަސްތަކުން މި ޤައުމަށް ކުރި އަސަރު މަނިކުފާނަށް ރޭކާ ނުލާ އޮންނާނެހެން ހިއެއް ނުވެއެވެ. ސުވާލަކީ އެ ވާހަކަ އަކީ އަޅުގަނޑުމެންގެ ސިޔާދަތީ ކަންތައްތަކަށް ނުފޫޒު ފޯރުވުން ކަމަށް ނުވަނީތޯއެވެ. ނުވަތަ ސިޔާދަތީ ކަންތައްތަކަަށް ބުރޫއަރާ ޒާތުގެ ކަހަލަ ވާހަކައެއްގެ ކެޓަގަރީ އަށް އެ ވާހަކަ ނުފެތެނީތޯއެވެ.
ސަރުކާރުގެ އެކްޓިވިސްޓުންގެ ފަރާތުން ރާއްޖެ އަށް ވާ ގެއްލުމަށް ލޯމަރާލުމަށް ފަހު މީޑިއާ އަށް އެޓޭކްކުރެއްވުން، މިއީ މަނިކުފާނުގެ ޚާރިޖީ ސިޔާސަތުތޯއެވެ. އެކްޓިވިސްޓުންގެ ފަރާތުން ޤައުމަށް ލިބުނު ހުތުރު ނަމާއި، ކިލަނބުވި ޚާރިޖީ ތަސްވީރުގެ ވާހަކަ ދައްކަވަން ކެރިވަޑައި ނުގަންނަވަނީ ކީއްވެގެންތޯއެވެ؟ އެއީ ގައުމަށް ޓަކައި އަޅުގަނޑުމެންގެ އަމިއްލަ ނަފުސަށް ޓަކައި ނުދެއްކެވި ވާހަކަ އެއް ކަމަށް ޤަބޫލެއް ނުކުރެވެއެވެ.
މީޑިއާތަކުން ލިޔެފައިވާ ހަބަރުތަކުގެ ސަބަބުން ކޮންމެހެން ވެސް ގުޅުން ބާއްވަން ޖެހޭ ގައުމުތަކާ އޮންނަ ގުޅުމަށް ބުރޫއަރާ ކަމަށް އެބަ ވިދާޅުވެމެވެ. ފާޅުގައި އަވަށްޓެރި ޤައުމުތަކުގެ ވެރިންނަށް ހަޖޫޖެހުން މަނިކުފާނަށް އޯކޭތޯއެވެ؟
މަނިކުފާނެވެ. ގައުމުތަކާ އޮންނަ ގުޅުމަށް އަަސަރު ނުކުރާ ގޮތަށް އުޅުމަށް ފުރަތަމަ ނަސޭހަތް ދޭންވީ ބޭފުޅުން ތިބީ ސަރުކާރު ފަޑީގައެވެ. ފުރަތަމަ ފަށަންވީ އެ ހިސާބުންނެވެ. މީޑިއާތަކުގެ ގިރުވާނުގައި ހިފަންވާނީ އޭގެ ފަހުން ނޫންތޯއެވެ.
- ކޮމެންޓް
- އިތުރަށް ކިޔާލަން
ފައިބެއަހަރުން މިއަދު
މިނިސްޓަރ ފައިސަލްގެ ނުރައްކައުތެރި ތުހުމަތެއް އެމްޑީޕީ އަށް – ރައީސް ނަޝީދު ގޮއްވާލީ ޕާޓީގެ ލީޑަރޝިޕް އިން
އެމްޑީޕީ ދެ ފަޅިވެގެން ދިޔައީ ކުރީގެ ރައީސް ނަޝީދު އެމްޑީޕީގައި ހުރުމަށް ނޭދޭ ބަޔަކު އެމްޑީޕީ އަށް އައުމުން - ދޮންބިލެތް ހަލީމް
އިންޑިއާގައި އެކަކުގެ ގައިގައި މަހެއްހާ ދުވަހުގެ ތެރޭގައި ހަ ހަރުފަ ދަތް އަޅައިފި
ރައީސް ބައިޑްން އަށް އޭނާގެ ނައިބަކީ ޓްރަމްޕް ކަމަށާއި، ޔޫކްރެއިންގެ ރައީސް އަކީ ޕޫޓިން ކަމަށް ވިދާޅުވެވިއްޖެ