ރާއްޖޭގެ ބައެއް ހިސާބުތަކަށް މޫސުން ގޯސްވާނެ ކަަމަށް ލަފާކޮށް ރީނދޫ ސަމާލު ނެރެފިއެވެ.

މޫސުމާއި ބެލޭ ޤައުމީ އިދާރާ އިން ރީނދޫ ސަމާލު ނެރެފައި ވަނީ މެދު ރާއްޖެތެރޭގެ އަތޮޅުތަކަށެވެ.

މެޓް އޮފީހުން ރީނދޫ ސަމާލު ނެރިފައިވަނީ ކ. އަތޮޅުން ފެށިގެން ލ. އަތޮޅާއި ހަމައަށެވެ. މި ރީނދޫ ސަމާލު ނެރެފައި ވަނީ މިރޭގެ 19:30 އިން ފެށިގެން 23:30 އަށެވެ.

މޫސުމާއި ބެހޭ އިދާރާ އިން ހާމަކުރި ގޮތުގައި އެހިސާބުތަކަށް ބޯކޮށް ވާރޭވެހުމުގެ އިތުރުން ގުގުރާނެ ކަމަށް ލަފާކުރެވެއެވެ. އަދި ވިލާގަނޑުގައި ގަޑިއަކު 45 މޭލަށް ވައި ގަދަވާނެ ކަމަށް ވެސް އެ އިދާރާ އިން ވަނީ ލަފާކޮށްފައެވެ.

މޫސުމާއި ބެހޭ ޤައުމީ އިދާރާ އިން ބުނެފައި ވަނީ މިދުވަސްވަރު ކުރަމުން ދަނީ ހުޅަނގު މޫސުމުގެ ވިއްސާރަ ކަމަށެވެ.