މާދަމާއިން ފެށިގެން 4 ދުވަހު ހުޅަނގު މޫސުމުގައި ބާރުގަދަވެ މޫސުން ގޯސްވާނެ

މާދަމާއިން ފެށިގެން 4 ދުވަހު ހުޅަނގު މުސުމުގެ ބާރުގަދަވެ މޫސުން ގޯސްވާނެ ކަމަށް މޫސުމާއި ބެހޭ ގައުމީ އިދާރާއިން ބުނެފިއެވެ.

މޫސުމާއި ބެހޭ ގައުމީ އިދާރާއިން ނެރުނު މޫސުމާއި ބެހޭ އެޑްވައިޒަރީގައި ބުނެފައިވަނީ ޖުލައި 17 އިން ފެށިގެން ކުރިއަށް އޮތް 4 ދުވަހު، ރާއްޖެ ސަރަހައްދަށް ހުޅަނގު މޫސުމުގެ ބާރުގަދަވާނެ ކަމަށް ބެލެވޭތީ، ވައި ބާރުވެ ކަނޑުތައް ގަދަވެ އަދި ބޮޑުބަޔަކަށް ވިއްސާރަކުރާނެ ކަމަށް ލަފާކުރެވޭ ކަމަށެވެ.

އަދި ވައި ބާރުވެ ވިލާގަނޑުގައި އިތުރަށް ގަދަވޭނެ ކަމަށާއި، ބޮޑުބަޔަކަށް ވިއްސާރަކުރުމާއެކު ގުގުރާނެ ކަމަށް މޫސުމާއި ބެހޭ ގައުމީ އިދާރާއިން ބުނެއެވެ. އަދި ދިޔަވަރު ބޮޑުވާ ގަޑިތަކުގައި އުދައިގެ އަސަރު ކުރުން އެކަށީގެންވާ ކަމަށް ވެސް މޫސުމައި ބެހޭ ގައުމީ އިދާރާއިން ބުނެއެވެ.

މޫސުމާއި ބެހޭ ގައުމީ އިދާރާއިން ބުނީ ހުރިހާ ފަރާތަތްތަކުން އަދި ހާއްސަކޮށް ދަތުރުވެރިން މޫސުމާއިބެގޭ އެންމެ ފަހުގެ މައުލޫމާތު އަދާހަމަކުރުމާއެކު މުސުމަށް ސަމާލުވުމަށް އަންގާފައިވެއެވެ.

މޫސުމަށް ސަމާލުވުމަށް އަންގާފައިވާ އިރު މި މަހުގެ 10 އަދި 11 ވަނަ ދުވަހު އެކަނި ވެސް ކަނޑުމަތީގެ ތަފާތު 7 ހާދިސާއެއް ހިނގައިގެން އެމްއެންޑީއެފް އަށް ރިޕޯޓްކުރިއެވެ. މި ހާދިސާތަކުގައި އެކަކު ވަނީ މަރުވެފައެވެ.