ހަނގުރާމައަށްވުރެ އެމްޑީޕީގެ ފުށުން ލިބޭ ގެއްލުން ބޮޑުކަމަށް ވިދާޅުވުން އާންމުންގެ ފާޑުކިޔުން ފަލާހަށް
ފަލާހް އެފަދައިން ވިދާޅުވުމުން ސަރުކާރަށާއި ޕީއެންސީގެ މެންބަރުންނަށް ވެސް ވަނީ ފާޑުކިޔުން އަމާޒުވެފަ
އިނގުރައިދޫ ދާއިރާގެ މެމްބަރު އަދި ޕީއެންސީގެ ޕީޖީ ލީޑަރު އިބްރާހިމް ފަލާހު
ހަނގުރާމައަށްވުރެ އެމްޑީޕީގެ ފުށުން ލިބޭ ގެއްލުން ބޮޑުކަމަށް ވިދާޅުވުމުން އާންމުންގެ ފާޑުކިޔުން އިނގުރައިދޫ ދާއިރާގެ މެމްބަރު އަދި ޕީއެންސީގެ ޕީޖީ ލީޑަރު އިބްރާހިމް ފަލާހަށް އަމާޒުވެއްޖެއެވެ.
ފަލާހު އެފަދައިން ވިދާޅުވީ، އިޒްރޭލާއި އިރާންއާ ދެމެދު މިހާރު ކުރަމުންދާ ހަނގުރާމައިގެ ސަބަބުން ރާއްޖެއަށް ކުރިމަތިވެދާނެ ދަތިތަކަށް ތައްޔާރުވުމުގެ ގޮތުން ކުރިއާލައި ފިޔަވަޅުތައް އެޅުމަށް ސަރުކާރުގެ ސަމާލުކަމަށް ގެނައުމަށް ރައްޔިތުންގެ މަޖިލީހަށް އެމްޑީޕީން ހުށަހެޅި ކުއްލި މައްސަލައަށް ބަހުސް ކުރައްވަމުންނެވެ.
ސޯޝަލް މީޑިއާގައި އެކަމާއި ގުޅިގެން އާމުންގެ ގިނަބަޔަކު ދަނީ ފާޑުކިޔަމުންނެވެ. ފަލާހުގެ މިވާހަކަތަކާއި ގުޅިގެން އާމުންގެ މީހަކު ސޯޝަލް މީޑިއާގައި ބުނެފައިވަނީ "ހަނގުރާމައަށްވުރެ ތިކަހަލަ ތަޢުލީމެއް ނެތް އަހުލާގެއް ނެތް ޖާހިލެއް މަޖިލީހުގައި ހުރުމުން ލިބޭ ގެއްލުން މާ ބޮޑު" ކަމަށެވެ. އާމުންގެ އިތުރު މީހަކު ބުނެފައިވަނީ "ހަނގުރާމައަށްވުރެ މާ ބިރުބޮޑު ވަގުންގެ ޖަމާއަތެއް ގައުމު ހިންގަން ތިބީ" މިހެންނެވެ.
ފަލާހް އެފަދައިން ވިދާޅުވުމުން ސަރުކާރަށާއި ޕީއެންސީގެ މެންބަރުންނަށް ވެސް ވަނީ ފާޑުކިޔުން އަމާޒުވެފައެވެ.
