މީހުން ގުޅީމާ ފޯނު ނުނައްގަވަނީ މިހާރު ހުންނެވި ހާލަތުގައި އިމޯޝަނަލްވެ ވެށި ފަހި ޕްރޮގްރާމުގައި އެއިރު މީހުންގެ ހާލަތު އިވި އިމޯޝަނަލްވެ ރޮވުނުގޮތަށް އެކަން އެގޮތަށް ވާން ބޭނުން ނުވާތީ ކަމަށް ކޮންސްޓްރަކްޝަން އެންޑް ހައުސިންގ މިނިސްޓަރ ޑރ. އަބްދުﷲ މުއްތަލިބު ވިދާޅުވެއްޖެއެވެ.

ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި މިނިސްޓަރ މުއްތަލިބު ވިދާޅުވީ ބޯހިޔާވަހިކަމުގެ މަޝްރޫއުގެ ތެރޭގައި ކޮމްޕިލިކޭޓެޑް ކަންކަން ހިނގާފައި އޮތް އިރުގައި އެފަދަ ކަމެއްފައި އެކަނި މީހަކަށް ބައިވެރިނުވޭވެ ވަރަށް އޭނާ އަށް ބައިވެރިވެފައި ހުންނަވާނެ ކަމަށެވެ. މިނިސްޓަރ ވިދާޅުވީ މީހެއްގެ ފޯނަށް ނުވަތަ މެސެޖަށް ޖަވާބު ނުވެއްދިޔަސް އެ މެސެޖްތައް ކިޔުއްވާ ކަމަށެވެ. އަދި ޖަވާބު ނުދެއްވަނީ އިމޯޝަނަލް ކަންކަތައްތަކުގެ ތެރެއަށް ވަންނަން އެހާ ބޮޑަށް ބޭނުންފުޅު ނުވާތީ ކަމަށެވެ.

މިނިސްޓަރ ވިދާޅުވީ އޭނާ ވެށިފަހި ޕްރޮގްރާމުގައި އުޅުއްވި އިރު މީހުންނާއެކު އެއްކޮޓަރިއެއްގައި ރޮއިފައި ހުންނާނެ ކަމަށާއި، މީހުންގެ ހާލަތު ކިޔައިދިނުމުން އެހެންވެފައިވާ ކަމަށެވެ. އެހެންކަމުން މިހާރު ހުންނެވި ހާލަުގައި މީސްމީހުންނާއި ބައްދަލުކުރައްވާ ދެކެވޭ ވާހަކަތަކުގެ ތެރޭގައި އިމޯޝަނަލްގެ ތެރެއިން ގޮތެއް ނިންމަވަން ބޭނުންފުޅު ނުވާ ކަމަށެވެ. އެހެންކަމުން އެކަން ނުކުރައްވާނެ ކަމަށެވެ.

މިނިސްޓަރ ވިދާޅުވީ ސަރުކާރުގެ ސިޔާސަތަކީ ބޯހިޔާވަހިކަން ހައްގުވާ ފަރާތެއް ހިމެނޭނަމަ އަދި ޝަރުތުހަމަވާނަމަ އެފަރާތަކަށް ފުލެޓް ދިނުން ކަމަށާއި، އެއްވެސް ފަރާތެއްގެ އަތުން އެއްވެސް އެއްޗެއް އަތުލުމަކީ ރައީސް އަދި ސަރުކާރުގެވެސް ސިޔާސަތެއް ނޫން ކަމަށެވެ. އަދި މަގާމާއި ހަވާލުވުމަށްފަހު ހުރިހާ ކަމެއްވެސް ކުރައްވާފައިވާނީ ރައީސްގެ ސިޔާސަތު ތަންފީޒުކުރެއްވުމަށްޓަކައި ކަމަށެވެ.