ނުރައްކާތެރި ބެކްޓީރިއާއެއް އައިޖީއެމްއެޗްއިން ފެނިއްޖެ
މިބެކްޓީރިއާ ފެތުރުން ކޮންޓްރޯލް ކުރެވިފައިވާއިރު އިތުރަށް ފެތުރިފައި ނުވާ ކަމަށް އައިޖީއެމްޗުން ބުނެފައިވޭ
އައިޖީއެމްއެޗް ހޮސްޕިޓަލް: ހޯމަ ދުވަހު މާފަންނުގައި ހުންނަ ކެފޭއެއްގައި ތޫނުއެއްޗަކުން ހަމަލާދީ ޒަޚަމްކޮށްލި ޒުވާނާއަށް ފަރުވާދެމުން އަންނަނީ އައިޖީއެމްއެޗް ހޮސްޕިޓަލުގައި
އިންދިރާގާންދީ މެމޯރިއަލް ހޮަސްޕިޓަލް (އައިޖީއެމްއެޗް)ގެ އެންއައިސީޔޫގައި ތިބި ކުދިންތަކެއްގެ ކިބައިން މަލްޓި ޑްރަގް ރެސިސްޓެންޓް އޯގަނިޒަމްސް (އެމްޑީއާރުއޯ) ކިޔާ ނުރައްކާތެރި ބެކްޓީރިއާއެއް ފެނިފައިވާ ކަމަށް އެ ހޮސްޕިޓަލުން ބުނެފިއެވެ.
އައިޖީއެމްއެޗްއިން ބުރާސްފަތި ދުވަހު އެކްސްގައި ކުރި ޕޯސްޓެއްގައި ވަނީ، އެންއައިސީޔޫގައި ފަރުވާ ދެމުން ދިޔަ މަދު ކުދިންތަކެއްގެ ކިބައިން އެ ބެކްޓީރިއާ ފެނުމުން އިތުރަށް ފެތުރުނަ ނުދިނުމަށް ޓަކައި ވަރުގަދަ ފިޔަވަޅުތައް އަޅާފައިވާ ކަމަށެވެ.
މިބެކްޓީރިއާ ފެތުރުން ކޮންޓްރޯލް ކުރެވިފައިވާއިރު އިތުރަށް ފެތުރިފައި ނުވާ ކަމަށް އައިޖީއެމްޗުން ބުނެފައިވެއެވެ.
(އެމްޑީއާރްއޯ) އަކީ ގިނަ އެންޓިބަޔޮޓިކްތަކަށް ނުގުޑާ ބެކްޓީރީއަކެވެ.
މި ޖަރާސީމުތަކުން ޖެހޭ ބަލިތަކުގެ ތެރޭގައި ކުޑަކަމުދާ ނިޒާމުގެ އިންފެކްޝަންތައް، ނިއުމޯނިއާ، ލޭގެ އިންފެކްޝަންތައް އަދި ފާރުގެ އިންފެކްޝަންތައް ހިމެނެއެވެ. އެމްޑީއާރްއޯ އިންފެކްޝަންތައް ފެތުރެނީ އިންފެކްޝަން ޖެހިފައިވާ މީހަކާއި ސީދާ ކޮންޓެކްޓްވެގެންނެ އެވެ.
އަދި މީގެ އިތުރުން އެ ޖަރާސީމު ހުރެދާނެ އާލާތްތަކާއި ނުވަތަ ތަންތަނުގައި އަތްލުމުގެ ސަބަބުން ވެސް މިފަދަ އިންފެކްޝަންތައް ފެތުރިދާނެއެވެ.
