މަންދީއާ ދެކޮޅަށް ހުށަހަޅާފައިވާ މައްސަލައިގެ އިބްތިދާއީ އަޑު އެހުން ބުދަ ދުވަހު
މަންދީގެ އިތުރުން އެމްޑީޕީގެ ޗެއާޕާސަން އަލްއުސްތާޛް ފައްޔާޟް އިސްމާއީލް އަދި އެ ޕާޓީއާ ދެކޮޅަށް ސާޖިދާ ދައުވާ ކޮށްފައި ވަނީ މި މަހުގެ 13 ވަނަ ދުވަހު.
މަންދީ ޕޮލިހަށް ހާޒިރުކުރި ދުވަހު ރާއްޖެ ޓީވީ އަށް އިންޓަވިޔު ދެއްވަނީ
ދިވެހި ރައްޔިތުންގެ ޑިމޮކްރަޓިކް ޕާޓީ (އެމްޑީޕީ)ގެ އަންހެނުންގެ ޙަރަކާތްތަކުގައި އިސްކޮށް އުޅުއްވާ މަރިޔަމް ޒުބޭރު (މަންދީ)އާ ދެކޮޅަށް ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދު ހުށަހަޅުއްވާފައިވާ މައްސަލައިގެ އިބްތިދާއީ އަޑު އެހުން ބުދަ ދުވަހަށް ތާވަލްކޮށްފި އެވެ.
ބުދަ ދުވަހުގެ ހެނދުނު 09:45 އަށް ތާވަލުކޮށްފައިވާ މައްސަލައިގެ އިބްތިދާއީ އަޑު އެހުމަށް ޙާޟިރުވުމަށް އަންގައި، މަންދީ އަށް ވަނީ އާދީއްތަ ދުވަހު އަމުރު ފޮނުވައިފަ އެވެ.
އެ އަމުރުގައި ބުނެފައި ވަނީ ޤާނޫނު ނަންބަރު 19/2019 (ކުޑަކުދިންގެ ހައްގުތައް ރައްކާތެރި ކުރުމުގެ ޤާނޫނު) ގެ 24 ވަނަ މާއްދާގެ (ރ) ގެދަށުން މަންދީއާ ދެކޮޅަށް ހުށަހަޅާފައިވާ މައްސަލައިގެ އިބްތިދާއީ އަޑު އެހުމަށް ޙާޟިރުވާން އަންގާ ކަމަށެވެ.
މަންދީގެ އިތުރުން އެމްޑީޕީގެ ޗެއާޕާސަން އަލްއުސްތާޛް ފައްޔާޟް އިސްމާއީލް އަދި އެ ޕާޓީއާ ދެކޮޅަށް ސާޖިދާ ދައުވާ ކޮށްފައި ވަނީ މި މަހުގެ 13 ވަނަ ދުވަހު އެވެ.
