މިނިސްޓަރ އަމީނަށް ބޮޑުބޭބޭ ކިޔާ އިޒްދިޔާން އަށް ރައީސް އޮފީހުން ވަޒީފާ ދިން އިރުވެސް މަސްތުވާތަކެތީގެ ރެކޯޑް އޮތް
24 އެޕްރީލު 2025 | ބުރާސްފަތި 14:36އިޒްދިޔާންގެ އިތުރު ތަފުސީލުގެ ގޮތުގައި ފުލުހުން ހާމަކޮށްފައިވަނީ 2015 އިން 2017 އަށް މަސްތުވާތަކެތީގެ މައްސަލައިގެ ރެކޯޑް އެބައޮތް ކަމަށް
ޓްރާންސްޕޯޓް މިނިސްޓަރު މުޙައްމަދު އަމީނަށް ބޮޑުބޭބެ ކިޔާ އިޒްދިޔާން މުހައްމަދު މައުމޫނަށް
ޔުމްނު ވެއްޓުނުރޭ ޕާޓީ ކުރި މީހުންގެ ތެރޭގައި ހިމެނޭ ޓްރާންސްޕޯޓް މިނިސްޓަރ މުހައްމަދު އަމީނަށް ބޮޑުބޭބޭ ކިޔާ އިޒްދިޔާން މުހައްމަދު މައުމޫން އަށް ރައީސް އޮފީހުން ވަޒީފާ ދިން އިރުވެސް މަސްތުވާތަކެތީގެ ރެކޯޑް އޮތް ކަން ހާމަވެއްޖެއެވެ.
ކެމްޕޭންގެ ތެރެއިން ފަށައިގެން ރައީސް ޑރ. މުހައްމަދު މުއިއްޒުއާއި ގާތްގުޅުމެއް އޮންނަ އަދި ރައީސް އޮފީހުގެ އަންޑާ ސެކްރެޓެރީ ފޯ ސްޓްރެޓީޖިކް ކޮމިއުނިކޭޝަންގެ މަގާމުގައި ހުންނެވި އިޒްދިޔާން މުހައްމަދު މައުމޫން އަކީ މާލޭގައި ޒުވާން ގުރޫޕަކުން ބުރާސްފަތި ދުވަހުގެ ރޭ މަސްތުވާތަކެއްޗާއެކު ޕާޓީ ކުރިކަމަށް ތުހުމަތު ކުރެވޭ މައްސަލައިގައި ހިމެނޭ އެކަކެވެ. އޭނާ އަކީ މިނިސްޓަރ އަމީނަށް ބޮޑުބޭބޭ ކިޔާ އެކަކެވެ.
އޭނާ ވަނީ ރައީސްގެ އޮފީހުގެ އަންޑަރ ސެކްރެޓެރީ ފޮރ ސްޓްރެޓެޖިކް ކޮމިޔުނިކޭޝަން މަގާމުން ވަކިކޮށްފައެވެ. ނަމަވެސް ވަކިކުރި ސަބަބެއް ހާމައެއް ނުކުރެެއެވެ. ނަމަވެސް އޭނާ މަގާމުން ވަކިކުރީ މަސްތުވާތަކެއްޗާ އެކު ޕާޓީ ކުރިކަމުގެ ތުހުމަތުކޮށްފައިވަނިކޮށެވެ.
އިޒްދިޔާންގެ އިތުރުން ރައީސުލްޖުމްހޫރިއްޔާގެ އޮފީހުގެ އަންޑަރ ސެކްރެޓެރީ ފޮރ ޑިޖިޓަލް ސްޓްރެޓެޖީގެ މަގާމުގައި ހުންނެވި ދާއޫދު އަޙްމަދު، މުސާރަ ނުލިބޭ ގޮތަށް ވަނީ ސަސްޕެންޑްކޮށްފައެވެ.
ބުރާސްފަތި ދުވަހު ބޭއްވި ނޫސްވެރިންގެ ބައްދަލުވުމުގައި މަސްތުވާތަކެއްޗާއެކު ޕާޓީކުރިކަމުގެ ތުހުމުތުކުރެވޭ 8 މީހެއްގެ ވަނަވަރު ވަނީ ހާމަކޮށްފައެވެ. އެގޮތުން އިޒްދިޔާންގެ އިތުރު ތަފުސީލުގެ ގޮތުގައި ފުލުހުން ހާމަކޮށްފައިވަނީ 2015 އިން 2017 އަށް މަސްތުވާތަކެތީގެ މައްސަލައިގެ ރެކޯޑް އެބައޮތް ކަމަށެވެ.
ވަނަވަރު އާންމުކުރި މީހުންނަކީ
- ރައުދު އަހުމަދު ޒިލާލް، 21، ގ. އެރިޔަދޫ
- އައިޝަތު ލަޔާލީ އިގުބާލް، 22، ގ. ނޯތުބްރީޒް
- އިޒްދިޔާން މުހައްމަދު މައުމޫން، 28، މއ. މާންދޫގެދެކުނުގެ (ޓްރާންސްޕޯޓް މިނިސްޓަރު އަމީނަށް ބޮޑުބޭބެ ވިދާޅުވާ ކޮއްކޮއެއް؛ މިއަދާ ހަމައަށް ހުރީ ރައީސް އޮފީހުގެ މަގާމެއްގައި)
- ޔޫސުފް އަހްމަދު އަކްރަމް، 22، މއ. މާންދޫގެދެކުނުގެ (އަމީނަށް ބޮޑުބޭބެ ވިދާޅުވާ ކޮއްކޮއެއް)
- ޔޫސުފް ޔައްސާރު އަބްދުއްގަފޫރު، 28، ހ. މީނާޒް
- އާމިނަތު ޖުނައިދާ ޖަމްޝީދު، 24، މ. ތިލަފަޅު
- ހުސައިން ހަމީސް އަލީ، 28، އަލި/ނ. ވެލިދޫ
- އިޖާޒު ޖާއިޒު، 24، މާތޮޑާއަވަށް އޭޕްރީލް/ގދ. ފަރެސްމާތޮޑާ
މަސްތުވާތަކެއްޗާއެކު ޕާޓީކުރި ގެއަކީ މިނިސްޓަރ އަމީން ދިރިއުޅުއްވާ ގެއެވެ. އެގެއަކީ އޭނާއާއި އޭނާގެ އެއްބަނޑު އެއްބަފައި ތިން މީހެއްގެ ގެއެކެވެ. އަދި ޕާޓީކުރީ އޭނާއަށް އެނގިގެން ނޫނެވެ.
