1446 ވަނަ އަހަރުގެ ރަމަޟާންމަހުގައި ރާއްޖެ ޓީވީން ގެނެސްދިން ދީނީ ސުވާލުގެ ގުރުއަތުލުން އަންނަ ބުރާސްފަތި ދުވަހު ރާއްޖެ ޓީވީގެ "ފަށާއިރު" ޕްރޮގްރާމުގައި ގެނެސްދިނުމަށް ނިންމައިފިއެެވެ.

މިއީ ރާއްޖެ ޓީވީގެ ބެލުންތެރިންނާއި ރާއްޖޭގެ ލޮބުވެތި ރައްޔިތުންނަކީ އިސްލާމްދީނާއި އިސްލާމީ ތާރީޚް އަދި އިސްލާމީ ސަގާފަތަށް އަހުލުވެރިވެފައިވާ ރައްޔިތުންތަކަކަށް ހެދުމާއި، ރައްޔިތުންނާއި ރާއްޖެ ޓީވީ އާއި ދެމެދު އޮންނަ އެކުވެރިކަމާއި ގުޅުން ބަދަހިކުރުން ކަމަށް ރާއްޖެ ޓީވީން ގެނެސްދިން ޚާއްސަ ސެގްމެންޓެކެވެ.

ދީނީ ސުވާލު ކުރިއަށް ގެންދެވުނީ މި އަހަރުގެ ރަމަޟާން މަހުގެ ފުރަތަމަ ދުވަހުން ފެށިގެން ރަމަޟާން މަހުގެ ނިޔަލަށް، ރާއްޖެ ޓީވީ މެދުވެރިކޮށެވެ.

ދީނީ ސުވާލުގެ ރަނގަޅު ޖަވާބު ދިމާކުރާ ފަރާތަކުގެ ތެރެއިން ގުރުއަތުން ހޮވޭ ފަރާތްތަކަށް ރާއްޖެ ޓީވީން ވަނީ އުމްރާ ދަތުރެއް ދިނުމަށް ނިންމާފައެވެ.

މިއީ ކޮންމެ ރަމަޟާން މަހަކާއި ދިމާކޮށް ރާއްޖެ ޓީވީން ގެނެސްދޭ ދީނީ ސުވާލު ސެގްމެންޓެއްކަން ފާހަގަކޮށްލަން ޖެހެއެވެ.

ގުރުނެގުން އޮންނާނީ ބުރާސްފަތި ދުވަހުގެ "ފަށާއިރު" ޕްރޮގްރާމުގައެވެ.