ކަމުދިޔަޔަސް ނުދިޔަޔަސް ވެރިކަަމަށް އައުމަށްފަހު ރައީސްއާއި އެމަނިކުފާނުގެ އާއިލާގެ ވާހަކަތައް މީހުން ދައްކާނެ - ޔާމީން
ރައީސް އާއި އޭނާގެ އާއިލާގެ ސުލޫކީ އެއްވެސް ކަމެއް އޮންނަ ނަމަ އާންމުން އެވާހަކަތައް ދައްކާނެ
ކުރީގެ ރައީސް އަބްދުﷲ ޔާމީން ޕީއެންއެފްގެ ޖަލްސާގައި
ކަމުދިޔަޔަސް ނުދިޔަޔަސް ވެރިކަަމަށް އައުމަށްފަހު ރައީސްއާއި އެމަނިކުފާނުގެ އާއިލާގެ ވާހަކަތައް މީހުން ދައްކާނެ ކަމަށް ކުރީގެ ރައީސް އަބްދުﷲ ޔާމީން ވިދާޅުވެއްޖެ އެވެ.
ޕީއެންއެފް ފްރަންޓް އޮފީސް ޖަލްސާގައި ވާހަކަ ދައްކަވަމުން ޔާމީން ވިދާޅުވީ ފަސްޓްލޭޑީއާއި ފަސްޓް ފެމިލީއަކީ ވެރިކަމަށް އައުމަށްފަހުގައި ޕަބްލިކް ޑޮމެއިންއަށް އަންނަ ބައެއް ކަމަށާއި، އެބޭފުޅުންގެ ސުލޫކީ އެއްވެސް ކަމެއް އޮންނަ ނަމަ އެ ބޭފުޅުންނަށް ކަމުދިޔަޔަސް ނުދިޔަޔަސް އެވާހަކަތައް އާންމުން ދައްކާނެ ކަމަށެވެ. އަދި އެކަމާއި ގުޅިގެން އާންމުންގެ ފަހަތުން ނުދުވާ ގޭތެރެއިން ކަންކަން ރަނގަޅުކުރުން މާ ރަނގަޅުވާނެ ކަމަށް ޔާމީން ވިދާޅުވި އެވެ.
މީގެ އިތުރުން ހުރިހާ ވެރިން ތިބެގެން މުލީއާ ގޭގައި ފަރިއްކުޅުއްވާތީ ދިވެހިން ކަންބޮޑު ނުވާ ކަމަށެވެ. ނަމަވެސް އެތަނުގައި ހުރި ސްޓޭޓް މިނިސްޓަރު ހަރަދުތައް ނުކުރާ ކަމަށް ވިދާޅުވެ ދިފާއުކުރާނަމަ އޭގެ މާނައަކީ އެކަންކަމަށް ހަރަދުކުރާކަން ކަމަށެވެ. ޔާމީން ވިދާޅުވީ ރައީސް މުއިއްޒު މީރު އެއްޗެއް ފަރިއްކުޅުއްވާތީ ކަންބޮޑު ނުވާ ކަމަށާއި، މައްސަލައަކީ އިތުރުފުޅު ހައްދަވާތީ ކަމަށެވެ.
ދެން މުލިއާގޭގައި އެހުރީ ވަށަވަރު މީހެއް. މިވެސް އުނބަށް ޖަހަނީ، އެވެސް އުނބަށް ޖަހަނީ. ދެން ރައީސް އޮފީހުގައި ހުރި މީހަކު ވެސް އުނބަށް ޖަހަނީ. އެހެންވީމާ ސާޖިދާ ނަގައިދެއްވާ ފިލާވަޅުތަކަކީ ދިވެހި ރައްޔިތުންނާއި ކިޔަވާ ކުދިންނަށް ދެއްވާ މެސެޖްހެއްޔޭ ނޫނިއްޔާ ސާޖިދާއަށް ވެސް ދަތިފުޅުވަނީ ހެއްޔޭ މުއިއްޒު ހައްދަވާ ދޮގުން އޭނާ ރައްޔިތުންނާއި ކުރިމަތިލާއިރު ސާޖިދާ ހަމައަށް ވެސް އަންނަނީ. އެހެންވެ ގުރުއާނުގެ މިސާލު ނަންގަވާފައި ގުރުއާނުގައި ހުރި ވަހީ ބަސްބުޅާ އެއްގޮތަށް ކަލޭމެންގެ އަމަލުތައް ބައްޓަންކޮށް ބެހެއްޓުމަށް ވިދާޅުވަނީ.ކުރީގެ ރައީސް އަބްދުﷲ ޔާމީން
ޔާމީން ވިދާޅުވީ ރައީސް މުއިއްޒުއަކަށް ދިވެހި ރައްޔިތުން އެމަނިކުފާނާއި ގުޅޭގޮތުން ދައްކަވާ ވާހަކަ އެނގިވަޑައި ނުގަންނަވާ ކަމަށެވެ. ރައީސްއަކަށް ވެރިކަން ކުރައްވަން ފަސޭހަވާނީ ތެދުބަހުން ވާހަކަ ދައްކާ މިހުން ކައިރިކޮށްގެން ކަމަށާއި، އެއީ ކިތައްމެ ހިތި ކަމެއްނަމަވެސް އެއީ އެންމެ ފަސޭހަ ގޮތް ކަމަށް ޔާމީން ވިދާޅުވިއެވެ.
ޔާމީން ވިދާޅުވީ އަބަދު ސަނާކިޔާ މީހުން ކައިރީގައި ތިބުމުން ވާނެ ގޮތްތައް ފެންނަމުންދާ ކަމަށެވެ.
