ކުޑަކުއްޖަކަށް ޖިންސީ ގޯނާ ކުރި މީހަކު 34 އަހަރަށް ޖަލަށްލާން ހުކުމް ކޮށްފި
17 އެޕްރީލު 2025 | ބުރާސްފަތި 10:10ޖަލަށްލާން ހުކުމް ކުރީ އަޙްމަދު ރަޝްވާން އިސްމާޢީލް ރަޝީދު
ކްރިމިނަލް ކޯޓުގެ ބޭރުން ނަގާފައިވާ ފޮޓޯ އެއް
ކުޑަކުއްޖަކަށް ޖިންސީ ގޯނާ ކުރި މީހާކު 34 އަހަރަށް ޖަލަށްލާން ހުކުމް ކޮށްފިއެވެ.
ކްރިމިނަލް ކޯޓުން ކުރި ދެ ހުކުމެއްގައި ޖަލަށްލާން ހުކުމް ކޮށްފައިވަނީ އަޙްމަދު ރަޝްވާން އިސްމާޢީލް ރަޝީދު ނަމަކަށް ކިޔާ މީހަކަށެވެ.
އެގޮތުން ޤާނޫނު ނަންބަރު: 12/2009 (ކުޑަކުދިންނަށް ޖިންސީ ގޯނާކުރާ މީހުންނާމެދު ޚާއްޞަ އުޞޫލުތަކަކަށް ޢަމަލުކުރުމުގެ ޤާނޫނު) ގެ 18 ވަނަ މާއްދާގެ (ހ) އާ ޙަވާލާދީ އެމާއްދާގެ (ށ) ގެ ދަށުން ކުޑަކުއްޖަކު މެދުވެރިކޮށް އޮރިޔާން ކާޑު އުފެއްދުމުގެ ކުށުން އަޙްމަދު ރަޝްވާން އިސްމާޢީލް ރަޝީދު ކުށްވެރި ވެއްޖެކަމަށް ކަނޑައަޅައި، މި ކުށުގެ ޢުޤޫބާތެއްގެ ގޮތުން ޤާނޫނު ނަންބަރު 12/2009 (ކުޑަކުދިންނަށް ޖިންސީ ގޯނާކުރާ މީހުންނާމެދު ޚާއްޞަ އުޞޫލުތަކަކަށް ޢަމަލުކުރުމުގެ ޤާނޫނު) ގެ 18 ވަނަ މާއްދާގެ (ހ) އާ ޙަވާލާދީ އެމާއްދާގެ (ށ) ގެ ދަށުން، އަޙްމަދު ރަޝްވާން އިސްމާޢީލް ރަޝީދު، 20 (ވިހި) އަހަރަށް ޖަލަށްލުމަށް ޙުކުމްކޮށްފައިވެއެވެ.
މީގެ އިތުރުން 12/2009 (ކުޑަކުދިންނަށް ޖިންސީ ގޯނާކުރާ މީހުންނާމެދު ޚާއްޞަ އުޞޫލުތަކަކަށް ޢަމަލުކުރުމުގެ ޤާނޫނު) ގެ 03 ވަނަ މާއްދާގެ (ހ) އާ ޙަވާލާދީ އެމާއްދާގެ (ނ) ގެ ދަށުން އަޙްމަދު ރަޝްވާން އިސްމާޢީލް ރަޝީދު، ކުޑަކުއްޖެއްގެ ހަށިގަނޑުގައި ޖިންސީ ނިޔަތެއް އޮވެގެން ޤަޞްދުގައި އަތްލުމުގެ ކުށުން ކުށްވެރި ވެއްޖެކަމަށް ކަނޑައަޅައި، މި ކުށުގެ ޢުޤޫބާތެއްގެ ގޮތުން ޤާނޫނު ނަންބަރު 12/2009 (ކުޑަކުދިންނަށް ޖިންސީ ގޯނާކުރާ މީހުންނާމެދު ޚާއްޞަ އުޞޫލުތަކަކަށް ޢަމަލުކުރުމުގެ ޤާނޫނު) ގެ 03 ވަނަ މާއްދާގެ (މ) އާ ޙަވާލާދީ އެމާއްދާގެ (ނ) ގެ ދަށުން، އަޙްމަދު ރަޝްވާން އިސްމާޢީލް ރަޝީދު، 14 (ސާދަ) އަހަރަށް ޖަލަށްލުމަށް ވަނީ ހުކުމްކޮށްފައެވެ.
މި މައްސަލައަކީ ކުޑަކުއްޖަކު ހިމެނޭ މައްސަލައެއްކަމުން، އެ މައްސަލައިގެ ރިޕޯޓް ކްރިމިނަލް ކޯޓުން ހާމަކޮށްފައި ނުވެއެވެ.
