މާލެ ސަހަރައްދުގެ ހަތަރު ތަނެއްގައި ބޮޑު ޖަމާއަތުގައި ޢީދު ނަމާދު ކުރާނެ
މޫސުން ތަން ނުދިނުމުގެ ސަބަބުން ބޮޑު ޖަމާއަތުގެ އީދު ނަމާދު ކެންސަލް ކުރަން ޖެހިއްޖެ ނަމަ، އީދު ނަމާދު ކުރާނީ މާލެ ސަރަހައްދުގެ ހުކުރު ނަމާދުކުރާ ހުރިހާ މިސްކިތްތަކުގައި ކަމަށް އިސްލާމިކް މިނިސްޓްރީން ވަނީ ބުނެފައި
ފިތުރު އީދު ނަމާދު ބޮޑު ޖަމާއަތުގައި ކުރުން
މި އަހަރު މާލެ ސަރަހައްދުގެ ހަތަރު މައިދާނެއްގައި ބޮޑު ޖަމާއަތުގައި ފިތުރު އީދު ނަމާދު ކުރުމަށް ހަމަޖެހިފައިވާކަމަށް އިސްލާމިކް މިނިސްޓްރީން ބުނެފި އެވެ.
އިސްލާމިކް މިނިސްޓްރީން އާދިއްތަ ދުވަހުގެ އާއްމު ކުރި ބަޔާނެއްގައި ވަނީ މާލެ ސަރަހައްދުގައި އީދު ނަމާދު ކުރުމަށް ހަމަޖެހިފައިވާ މައިދާންތަކާއި މިސްކިތްތައް އާންމުކޮށްފަ އެވެ.
ބޮޑު ޖަމާއަތުގައި އީދު ނަމާދު ކުރުމަށް ހަމަޖެހިފައިވާ މައިދާންތަކުގެ ތެރޭގައި މާފަންނު ސްޓޭޑިއަމް ސަރަހައްދާއި ވިލިމާލެ ބޯޅަދަނޑު ހިމެނެއެވެ. މީގެ އިތުރުން ހުޅުމާލެ ފޭސް އެކެއްގެ ސިންތެޓިކް ޓްރެކް ސަރަހައްދުގައި އާއި ހުޅުމާލެ ފޭސް ދޭއްގެ ކްރިކެޓް ސްޓޭޑިއަމްގައި އީދު ނަމާދު ބޮޑު ޖަމާއަތުގައި ކުރުމަށް ވަނީ ނިންމާފައެވެ. މިދިޔަ އަހަރެކޭ އެއްފަދައިން މި އަހަރު ވެސް އީދު ނަމާދު ކުރަން ފަށާނީ ހެނދުނު 7.00 ގައެވެ.
ފިތުރު އީދު ނަމާދު ކުރުމަށް ހަމަޖެހިފައިވާ ތަންތަން:
- މަސްޖިދުލްފުރުޤާން - މާލެ
- މަސްޖިދުއްނޫރު – މާލެ
- މާފަންނު ސްޓޭޑިއަމް (ބޮޑުޖަމާއަތް) - މާލެ
- މަސްޖިދުއްސުލްޠާން ޙަސަން ޢިއްޒުއްދީން (ޠައިބާ މިސްކިތް) - މާލެ
- މަސްޖިދުއްސުލްޠާނު މުޙައްމަދު ފަރީދުލްއައްވަލު (ދުބުރި މިސްކިތް) - މާލެ
- މަސްޖިދު ޝަހީދު ޢަބްދުއްރަޙްމާން (ފަނޑިޔާރު މިސްކިތް) - މާލެ
- މަސްޖިދު އިސްކަންދަރު - މާލެ
- ވަގުތީ މިސްކިތް (ބޮޑުގެ) - މާލެ
- މަސްޖިދުއްސުލްޠާން މުޙައްމަދު ތަކުރުފާނުލްއަޢްޡަމް (އިސްލާމީ މަރުކަޒު) - މާލެ
- މަސްޖިދުލްމަލިކި ސަލްމާން - މާލެ
- މަސްޖިދުއް ޝަޙީދު ޢަލީ – މާލެ
- މަސްޖިދުއްސުލްޠާން މުޙައްމަދު ޝަމްސުއްދީން (ބަންޑާރަ މިސްކިތް) - މާލެ
- މަސްޖިދު ޞަލާޙުއްދީން - މާލެ
- މަސްޖިދު ޖަލާލުއްދީން - މާލެ
- މަސްޖިދު އިބްރާހީމް - މާލެ
- މަސްޖިދުއްސުލްޠާނު މުޙައްމަދު ޢިމާދުއްދީން (ރަންމިސްކިތް) - މާލެ
- މަސްޖިދުއްޝައިޚް މުޙައްމަދު ޖަމީލް ދީދީ (ފައިފުހޭ މިސްކިތް) - މާލެ
- މާފަންނު އާމިސްކިތް - މާލެ
- ވިލިމާލެ ބޮޑު ޖަމާއަތް (ވިލިމާލެ ބޯޅަދަނޑު) - ވިލިމާލެ
- މަސްޖިދުއްސަލާމް - ވިލިމާލެ
- ހުޅުމާލެ ބޮޑު ޖަމާއަތް (ކުރިކެޓް ސްޓޭޑިއަމް) (ހުޅުމާލެ ފޭސް 2) - ހުޅުމާލެ
- މަސްޖިދު ޙަސަން އާދަމް (ހުޅުމާލެ ފޭސް 2) - ހުޅުމާލެ
- މަސްޖިދު އަބީބަކުރިނިއްޞިއްދީޤް (ފޭސް 2 ހުޅުމާލެ) - ހުޅުމާލެ
- ހުޅުމާލެ ބޮޑު ޖަމާއަތް (ސިންތަޓިކް ޓްރެކް) - ހުޅުމާލެ
- މަސްޖިދުއްޝައިޚް ޤާސިމް ބިން މުޙައްމަދު އާލް ޘާނީ (ހުޅުމާލެ ފޭސް 1) - ހުޅުމާލެ
- މަސްޖިދު ރަޝީދު (ހުޅުމާލެ ފޭސް 1) - ހުޅުމާލެ
- މަސްޖިދު ޢަޒީޒާ މޫސާ (ހުޅުމާލެ ފޭސް 1) - ހުޅުމާލެ
މޫސުން ތަން ނުދިނުމުގެ ސަބަބުން މައިދާންތަކުގައި ކުރުމަށް ހަމަޖެހިފައިވާ ބޮޑު ޖަމާއަތުގެ އީދު ނަމާދު ކެންސަލް ކުރަން ޖެހިއްޖެ ނަމަ، އީދު ނަމާދު ކުރާނީ މާލެ ސަރަހައްދުގެ ހުކުރު ނަމާދުކުރާ ހުރިހާ މިސްކިތްތަކުގައި ކަމަށް އިސްލާމިކް މިނިސްޓްރީން ވަނީ ބުނެފަ އެވެ.
