އޭޝިއަން ކަޕް ކޮލިފިކޭޝަންގައި ވާދަ ކުރުމަށް ޤައުމީ ޓީމު ފިލިޕީންސް އަށް

އޭޝިއަން ކަޕް ކޮލިފިކޭޝަންގައި ވާދަ ކުރުމަށް، ރާއްޖޭގެ ސީނިއާ ޤައުމީ ފުޓުބޯޅަ ޓީމު ފިލިޕީންސް އަށް ފުރައިފި އެވެ.

ޤައުމީ ޓީމު ފިލިޕީންސް އަށް ފުރާފައި ވަނީ ހޮނިހިރު ދުވަހު އެވެ.

އޭޝިއަން ކަޕްގެ ކޮލިފިކޭޝަންގައި ޤައުމީ ޓީމު އެންމެ ފުރަތަަމަ ވާދަކުރާނީ ފިލިޕީންސްއާ އެވެ. އެ މެޗު އޮތީ އަންގާރަ ދުވަހު ފިލިޕީންސްގަ އެވެ. އެންމެ ފުރަތަމަ މި މެޗު ކުޅެން ރާއްޖޭގައި އޮތް ނަމަވެސް، ރަމަޟާން މަހުގެ ފަހު ދިހަޔަކާ މެޗު ދިމާވާތީ، އެ މެޗު ފިލިޕީންސްގައި ކުޅޭ ގޮތަށް ބަދަލު ގެނައީ އެވެ.

އޭޝިއަން ކަޕް ކޮލިފިކޭޝަންގައި ރާއްޖެ އިން ހަ މެޗު ކުޅޭނެ އެވެ. ފުރަތަމަ މެޗުގައި އަންގާރަ ދުވަހު ފިލިޕީންސްއާ ދެކޮޅަށް ކުޅުމަށް ފަހު، ދެ ވަނަ މެޗުގައި ޖޫން މަހުގެ 10 ވަނަ ދުވަހު ކުޅޭނީ އީސްޓު ޓިމޯއާ ދެކޮލަށެވެ. ތިން ވަނަ މެޗުގައި ތަޖަކިސްތާނާ ދެކޮޅަށް ނިކުންނާނީ އޮކްޓޫބަރު މަހުގެ ނުވަ ވަނަ ދުވަހު އެވެ.

އޮކްޓޫބަރު މަހުގެ 14 ވަނަ ދުވަހު ދެ ވަނަ ލެގުގައި ތަޖަކިސްތާނާ ދެކޮޅަށް ކުޅޭނެ އެވެ. އޭގެ ފަހުން ނޮވެމްބަރު މަހުގެ 18 ވަނަ ދުވަހު ދެ ވަނަ ލެގުގައި ފިލިޕީންސްއާ ދެކޮޅަށް ކުޅުމަށްފަހު، ފަހު މެޗުގައި އީސްޓު ޓިމޯއާ ދެކޮޅަށް ކުޅޭ ދެ ވަނަ ލެގު އޮތީ އަންނަ އަހަރުގެ މާޗު މަހުގެ 31 ވަނަ ދުވަހު އެވެ.

އޭޝިއަން ކަޕް ކޮލިފިކޭޝަން އަށް ތައްޔާރުވުމުގެ ގޮތުން ޤައުމީ ފުޓުބޯޅަ ޓީމުން ވަނީ އިންޑިއާއާ ދެކޮޅަށް މިދިޔަ ބުދަ ދުވަހު ކުޅެފަ އެވެ. އެ މެޗުގައި އިންޑިއާ އިން ވަނީ ރާއްޖޭގެ މައްޗަށް 3-0 އިން ކުރި ހޯދައިފަ އެވެ.