އައްޑޫ ކަރަންޓްގެ މައްސަލަ ހައްލުކުރުމަށް އިޙްތިޖާޖަށް ނިކުތުމަށް ނިޒާރު ގޮވާލައިފި
ރައީސް ޑރ. މުހައްމަދު މުއިއްޒުގެ ސަރުކާރުގައި އައްޑޫގެ ކަރަންޓުގެ މައްސަލަ ހައްލުކުރުމުގެ ނިޔަތެއް ނެތްކަމަށް އައްޑޫ ސިޓީ މޭޔަރު އަލީ ނިޒާރު ވިދާޅުވި
އައްޑޫ ސިޓީގެ މޭޔަރު އަލީ ނިޒާރު ފަލަސުރުހީ ޕްރޮގްރާމުގައި
އައްޑޫ ސިޓީއަށް ދިމާވެފައިވާ ކަރަންޓްގެ މައްސަލައަށް ހައްލު ހޯދުމަށް ކަމާއި ގުޅުންހުރި މުއައްސަސާތަކުން އެކަށީގެންވާ ގޮތަކަށް މަސައްކަތް ކުރަމުން ނުދާތީ އައްޑޫ ސިޓީގެ ރައްޔިތުންނަށް ލިބެންޖެހޭ ހައްގު ލިބި ގަތުމަށް އިހްތިޖާޖް ކުރުން ނޫން އިތުރު ގޮތެއް ނެތް ކަމަށް އައްޑޫ ސިޓީގެ މޭޔަރ އަލީ ނިޒާރު ވިދާޅުވެއްޖެއެވެ.
އައްޑޫ ސިޓީއަށް ދިމާވެފައިވާ ކަރަންޓްގެ މައްސަލައަށް ރޯދަ މަހުގެ ކުރިން ހައްލު ހޯދައިދޭނެ ކަމަށް ރައީސް ޑރ. މުހައްމަދު މުޢިއްޒު ވިދާޅުވެފައިވީ ނަމަވެސް، ހަފްތާއެއް ވަންދެން ކަރަންޓް މެދުނުކެނޑި އޮތުމަށްފަހު އަންގާރަ ދުވަހުން ފެށިގެން އަނެއްކާވެސް އެސިޓީގެ އެކި ސަރަހައްދުތަކުން ވަނީ ކަރަންޓް ކަނޑަން ފައްޓާފައެވެ.
ޤާނޫނު އަސާސީގެ 32 ވަނަ މާއްދާއިން ލިބިދެވޭ އެއްވެ އުޅުމުގެ މިނިވަންކަމާއި އަދި 31 ވަނަ މާއްދާއިން ލިބިދެވޭ ހަޅުތާލު ކުރުމުގެ މިނިވަން ކަމާއި އެކު އައްޑޫ ސިޓީގެ ރައްޔިތުން ކަރަންޓްގެ އަސާސީ ހައްގުން މަހްރޫމުކޮށް އެމައްސަލަ ހައްލު ކުރުމަށް ސަރުކާރު އިހުމާލުވެފައިވެފައިވާ ކަމަށް ނިޒާރު ވިދާޅުވިއެވެ.
އަދި އެމައްސަލަ ހައްލު ކުރުމަށް ކަމާއި ގުޅުންހުރި މުއައްސަސާތަކުން އެކަށީގެންވާގޮތަކަށް މަސައްކަތް ކުރަމުން ނުދާތީ އައްޑޫ ސިޓީގެ ރައްޔިތުންނަށް ލިބެންޖެހޭ ހައްގު ލިބި ގަތުމަށް އިހްތިޖާޖް ކުރުން ނޫން އިތުރު ގޮތެއް ނެތް ކަމަށް ނިޒާރު ވަނީ ވިދާޅުވެފައެވެ.
ނިޒާރު ވިދާޅުވީ ރޯދަ މަހަށް އައްޑޫ ސިޓީގެ ކަރަންޓްގެ މައްސަލަ އަށް ހައްލު ހޯދައިދޭނެ ކަމަށް ރައީސް ވިދާޅުވި ނަމަވެސް އެކަން ނުވާނެ ކަމަށް ކުރިންވެސް ބުނަމުންދިޔަ ކަމަށާއި ސަބަބަކީ އައްޑޫގެ ކަރަންޓްގެ މައްސަލަ އަށް ދާއިމީ ހައްލެއް ހޯދައިދިނުމަށް ސަރުކާރުން އެކަށީގެންވާ ގޮތެއްގައި މަސައްކަތްކޮށްފައި ނުވާތީއެވެ.
ފާއިތުވި އަހަރެއްހާ ދުވަހުގެ ތެރޭގައި އައްޑޫގެ ކަރަންޓްގެ މައްސަލަ އަށް އެކަށީގެންވާ ހައްލެއް ނުލިބި ދާދިއުމަކީ ރައްޔިތުންގެ ނުހަނު ކަންބޮޑުވުން ހުރި ކަމަކަށްވާއިރު، ރޯދަ މަހު މިކަމަށް ހައްލެއް ލިބޭނެ ކަމަށް ޔަޤީންކަން ދިނުމަށްފަހުވެސް އަނެއްކާ އައްޑޫގެ އެކި ސަރަހައްދުތަކުން ކަރަންޓްގެ ޙިދުމަތްވަނީ މެދުކެނޑިފައެވެ. ނިޒާރު ވިދާޅުވީ ހަފްތާއެއް ވަންދެން ކަރަންޓްގެ ޚިދުމަތް މެދު ނުކެނޑި ލިބުނު ނަމަވެސް ރޯދަ މަސް އައުމާއި އެކު ފެނައަކަށް މިޚިދުމަތް ނުދެވުނު ކަމަށެވެ.
