އިސްރާއީލުގެ ޖަލުގައި ފަލަސްތީނުގެ ގައިދީ އެއްގެ ގަޔަށް އެސިޑް އާއި އެކި ބާވަތުގެ ކެމިކަލް އެޅި ކަމަށް އޭނާ ބުނެފި

އިސްރާއީލުގެ ޖަލުތަކުގައި ބަންދުކުރެވުނު މުހައްމަދު އަބޫ ތަވީލާ، އޭނާއަށް އިސްރާއީލުގެ ބަންދުގައި ހުރި މުއްދަތުގައި ކުރިމަތިވި ލާއިންސާނީ އަނިޔާތަކުގެ ވާހަކަ ހާމަކޮށްފިއެވެ. އޭނާގެ ހަށިގަނޑަށް އެސިޑް އަޅައި، ކެމިކަލް ބޭނުންކޮށްގެން އަނިޔާކުރި ކަމަށް އޭނާ ބުނެފައިވެއެވެ.ޣައްޒާއިން ގަދަކަމުން ހައްޔަރުކުރެވުނު އަބޫ ތަވީލާގެ ލޯމަތީގައި ތަޅައި، އަދި ހަށިގަނޑަށް ކްލޯރިން، ޑިޝްވޮޝިންގ ލިކުއިޑް، ދޮންނަ ކެމިކަލް، ސައިބޯނި އަދި އެއަރ ފްރެޝްނަރ ފަދަ ތަކެތި އަޅައިގެން އަނިޔާކުރިއެވެ. "އެތަކެތި ތިން ދުވަހުގެ މުއްދަތަށް ހަށިގަނޑަށް އަޅަމުން ގެންދިޔައެވެ." އޭނާ ބުނެފައިވެއެވެ.އޭނާގެ ލޯ މަތީގައި ތަޅައި، ހަށިގަނޑަށް ލިބުނު އަނިޔާތަކުގެ ސަބަބުން ހޭނެތިގެން ވެއްޓުނު ކަމަށް ވެސް ބުނެފައިވެއެވެ. ކެމިކަލްތަކުގެ ސަބަބުން އޭނާގެ ހާލަތު ގޯސްވުމާ ގުޅިގެން، އޭނާ ވެސްޓް ބޭންކަށް ބަދަލުކުރެވުނެވެ.ޕްރެސް ޓީވީ އިން ރިޕޯޓު ކޮށްފައިވާ ގޮތުގައި އޯފަރ މިލިޓަރީ ޖަލަށް ބަދަލުކުރުމުގެ ކުރިން، އަބޫ ތަވީލާ ހޮސްޕިޓަލުގައި އޭނާ އަށް ފަރުވާ ދޭން ޖެހުނެވެ. އޭނާ ބުނާ ގޮތުގައި އޯފަރ ޖަލުގައިވެސް އަނިޔާވެރި އަމަލުތައް ހިންގައި، ބަނޑުހައިހޫނުކަމާއި ފިނީ ގައި ބައިތިއްބައި، އިންސާނީ ކަރާމާތަށް ގެއްލުން ލިބޭ އަނިޔާތައް ދީފައިވެއެވެ.އިސްރާއީލުގެ ހައްދުފަހަނަ އެޅި ސިޔާސީ ލީޑަރެއް ކަމަށްވާ އިޓްމާރ ބެން ގްވީރ، ކެޒިއޯޓް ޖަލުގައި ފަލަސްތީނު ގައިދީންނަށް ކުރަމުންދާ އަނިޔާތައް ދައްކުވައިދޭ ވީޑިއޯއެއް އެކްސް (ޓްވިޓަރ) މެދުވެރިކޮށް ދާދި ފަހުން ޙިއްސާކޮށްފައިވެއެވެ.

އިސްރާއީލުގެ ޖަލުތަކުގައި ފަލަސްތީނު ރައްޔިތުންނަށް ލާއިންސާނީ އަނިޔާއާ ކުރިމަތިލާންޖެހޭ ކަމުގެ ވާހަކަ އަކީ އިސްރާއީލުގެ ޖަލުތަކުން ދޫކޮށްލާ ފަލަސްތީނު މީހުން އާންމު ކޮށް ދައްކާ ވާހަކަ ތަކެކެވެ.