މި ސަރުކާރުން ވަނީ ސޮވަރިން ޑިވެލޮޕްމަންޓް ފަންޑު ހުސްކޮށްލާފައި: ރިޔާޒު މަންސޫރު
ރިޔާޒު މަންސޫރު ވިދާޅުވީ މިސަރުކާރުން މަސައްކަތް ކުރީ ސޮވަރިން ޑިވެލޮޕްމަންޓް ފަންޑު އިތުރު ކުރުމަށް ކަމަށާއި، 100 މިލިއަން ޑޮލަރަށް އިތުރު ކުރާނެ ކަމަށް ރައީސް މުއިއްޒު ވިދާޅުވެފައިވާ ކަމަށެވެ. ނަމަވެސް މަސައްކަތްތައް ކުރިއަށް ދިޔައީ އިދިކޮޅަށް ކަމަށާއި، މިފަންޑު އެއްކޮށް ހުސްވީ ކަމަށެވެ. އެހެންކަމުން މިހާރު މިސަރުކާރުން ސޮވަރިން ޑިވެލޮޕްމަންޓް ފަންޑުގެ ވާހަކަ އެއްވެސް ވަރަކަށް ނުދައްކާ ކަމަށް އޭނާ ވިދާޅުވިއެވެ.
ސޮވަރިން ޑިވެލޮޕްމަންޓް ފަންޑު އިތުރު ކުރައްވާނެ ރައީސް މުއިއްޒު ވިދާޅުވެފައިވޭ
މޯލްޑިވްސް މަނިޓަރީ އޮތޯރިޓީ
މި ސަރުކާރުން އައީ ސޮވަރިން ޑިވެލޮޕްމަންޓް ފަންޑު (އެސްޑީއެފް) އިތުރު ކުރުމަށް ކަމަށާއި، ނަމަވެސް މިފަންޑު މިހާރު ހުސްކޮށްލާފައިވާ ކަމަށް އިކޮނޮމިކް މިނިސްޓްރީގެ ކުރީގެ ޑެޕިއުޓީ މިނިސްޓަރު އަދި އެމްޑީޕީގެ ކުދި ވިޔަފާރިއާ ގުޅޭ ކޮމެޓީގެ މުގައްރިރު ރިޔާޒު މަންސޫރު ވިދާޅުވެއްޖެއެވެ.
ރާއްޖެޓީވީގެ ފަލަސުރުހީ ޕްރޮގްރާމްގައި ރިޔާޒު މަންސޫރު ވިދާޅުވީ ރައީސް ޑރ.މުހައްމަދު މުއިއްޒު ވެރިކަމާއި ހަވާލުވެވަޑައިގެންނެވުމަށްފަހު ކުރީ ސަރުކާރުން ގައުމު ދަރުވާލައި، ސޮވަރިން ޑިވެލޮޕްމަންޓް ފަންޑު ހުސްކޮށްފައިވާ ކަމަށް ވިދާޅުވެފައިވާ ކަމަށެވެ. އަދި ތަކުރާރުކޮށް ރާއްޖޭގެ އިގްތިސާދީ ހާލަތާއި ގުޅޭގޮތުން މިމޭރުމުން އެމަނިކުފާނު ވާހަކަފުޅު ދައްކަވާފައިވާ ކަމަށާއި، ރައީސް މުއިއްޒުގެ ދައުރުގައި ސޮވަރިން ޑިވެލޮޕްމަންޓް ފަންޑު އިތުރު ކުރައްވާނެ ކަމަށް ވިދާޅުވަމުން ގެންދެވި ކަމަށެވެ.
ރިޔާޒު މަންސޫރު ވިދާޅުވީ މިސަރުކާރުން މަސައްކަތް ކުރީ ސޮވަރިން ޑިވެލޮޕްމަންޓް ފަންޑު އިތުރު ކުރުމަށް ކަމަށާއި، 100 މިލިއަން ޑޮލަރަށް އިތުރު ކުރާނެ ކަމަށް ރައީސް މުއިއްޒު ވިދާޅުވެފައިވާ ކަމަށެވެ. ނަމަވެސް މަސައްކަތްތައް ކުރިއަށް ދިޔައީ އިދިކޮޅަށް ކަމަށާއި، މިފަންޑު އެއްކޮށް ހުސްވީ ކަމަށެވެ. އެހެންކަމުން މިހާރު މިސަރުކާރުން ސޮވަރިން ޑިވެލޮޕްމަންޓް ފަންޑުގެ ވާހަކަ އެއްވެސް ވަރަކަށް ނުދައްކާ ކަމަށް އޭނާ ވިދާޅުވިއެވެ.
ރިޔާޒު މަންސޫރު ވިދާޅުވީ ސޮވަރިން ޑިވެލޮޕްމަންޓް ފަންޑުގައި ފައިސާ ނެތް ކަމަށާއި، އެ ފައިސާ ހަރަދުކޮށްފައިވަނީ ރިކަރަންޓު ހަރަދަށް މީހުންނަށް މުސާރަ ދިނުމަށް ކަމަށެވެ.
ރިޒާވް ހުކޮށްލާފައި އޮއްވާތޯ އެބޭފުޅުން 37 މިލިއަން ޑޮލަރު ދީފައި ޑްރޯން ގަތީ. ރިޒާވްގައި ފައިސާ ނެތިއްޔާ ކީއްކުރަންތޯ. ގައުމު ބެލެހެއްޓޭނެ ކަމަށް އެބޭފުޅުން ގަބޫލުނުކުރާނަމަ ކީއްކުރަންތޯ އެފަދަ ހަރަދު ކުރަންވީ. މިއީ މިދިޔަ އަހަރު ކުރީކޮޅު. ދެން ވިދާޅުވަނީ އެބޭފުޅުން ރިޒާވްއަށް ފައިސާ އިތުރުކުރާ ވާހަކަ އާއި މިކަހަލަ ވާހަކަތައް.އެކަމަކު އިހައްދުވަހު ރިޔާސީ ބަޔާނުގައި އެވާހަކަ ވިދާޅެއް ނުވޭ. ސޮވަރިން ޑިވެލޮޕްމަންޓް ފަންޑުގެ ބަސްވެސް ރިޔާސީ ބަޔާނުގައި ނާދޭ. ދެން ވިސްނާލާ ކަންތައްތައް ބަދަލުވެފައި ހުރިވަަރު. މިދިޔަ އަހަރުގެ މިނިވަން ދުވަހުގެ ބަޔާނުގައި ވިދާޅުވީ 65 މިލިއަން ޑޮލަރު ތިމަންނަ ސޮވަރިން ޑިވެލޮޕްމަންޓް ފަންޑައިކޮނޮމިކް މިނިސްޓްރީގެ ކުރީގެ ޑެޕިއުޓީ މިނިސްޓަރު އަދި އެމްޑީޕީގެ ކުދި ވިޔަފާރިއާ ގުޅޭ ކޮމެޓީގެ މުގައްރިރު ރިޔާޒު މަންސޫރު
ރިޔާޒު މަންސޫރު ވިދާޅުވީ އަދިވެސް މިސަރުކާރުން މަސައްކަތް ކުރަނީ ހާލަތު އޮޅުވާލުމަށް ކަމަށެވެ. އިގްތިސާދީ ހާލަތު ދަށަށް ދަނީ މި ސަރުކާރުގެ ނާގާބިލު ކަމުން ކަމަށާއި، ހާލަތާއި ނުބައްދަލު ހަރަދުކޮށް، އިންތިހާއަށް މިސަރުކާރު ހަރަދު ބޮޑުކޮށްފައިވާ ކަމަށް އޭނާ ވިދާޅުވިއެވެ.
