ސަރުކާރުން އަބަދުވެސް ފޮރިން ޑައިރެކްޓް އިންވެސްޓްމަންޓަށް މަރުހަބާ ކިޔާނެ: މިނިސްޓަރ އަމީރު
27 މާރިޗު 2019 | ބުދަ 12:52ރާއްޖޭގެ ހަ ސަރަހައްދެއްގައި އެމްއައިބީގެ ހަ ބްރާންޗް ހުރޭ
މިނިސްޓަރ އޮފް ފިނޭންސް އެންޑް ޓްރެޒަރީ އިބްރާހިމް އަމީރު
ސަރުކާރުން އަބަދުވެސް ފޮރިން ޑައިރެކްޓް އިންވެސްޓްމަންޓަށް މަރުހަބާ ކިޔާނެ ކަމަށް މިނިސްޓަރ އޮފް ފިނޭންސް އެންޑް ޓްރެޒަރީ އިބްރާހިމް އަމީރު ވިދާޅުވެއްޖެއެވެ.
މޯލްޑިވްސް އިސްލާމިކް ބޭންކުގެ ހެޑް އޮފީސް ރަސްމީކޮށް ހުޅުވައިދެއްވުމަށް ފަހު ވާހަކަދައްކަވަމުން މިނިސްޓަރ ވިދާޅުވީ 2011 ވަނަ އަހަރު އެމްޑީޕީ ސަރުކާރުން ރާއްޖެއަށް ތަޢާރަފްކުރި މޯލްޑިވްސް އިސްލާމިކް ބޭންކަކީ ފޮރިން ޑައިރެކްޓް އިންވެސްޓްމަންޓަށް ދޭ އަހަމިއްޔަތުކަން ދައްކުވައިދޭ މިސާލެއް ކަމަށެވެ.
ރާއްޖޭގެ ހަ ސަރަހައްދެއްގައި އެމްއައިބީގެ 6 ބްރާންޗާ އެކު 80،000 އަށް ވުރެ ގިނަ ކަސްޓަމަރުންގެ ގެއާ ހަމައަށް އިސްލާމިކް ބޭންކުގެ ޙިދުމަތް ފޯރުކޮށްދެމުންދާކަން ފާހަގަކުރައްވަމުން މިނިސްޓަރު ވިދާޅުވީ ރާއްޖޭގެ އިޤްތިޞާދު ކުރިއެރުވުމަށް ވެސް އެ ބޭންކުގެ ފުރިހަމަ އެއްބާރުލުން ލިބިގެންދާކަމީ އުފަލެއް ކަމަށެވެ.
ކުރިއަށް އޮތް ތަނުގައި ވެސް އިސްލާމިކް ބޭންކުން ރައްޔިތުންނަށް ދެމުންގެންދާ ޚިދުމަތްތައް އިތުރަށް ފުޅާކޮށް ރައްޔިތުންގެ ބައިވެރިވުމާ އެކު އެ ބޭންކުގެ ޙިދުމަތްތައް ރައްޔިތުންނަށް ދިނުން ކަމަށް މިނިސްޓަރ އެދިވަޑައިގެންނެވިއެވެ. އަދި އެމްއައިބީން އިނީޝިއަލް ޕަބްލިކް އޮފަރިންއާ ދިމާލަށް މިސްރާބު ޖަހާފައިވުމަކީ ބޭންކުގެ ކަންކަން ހާމަކަން ބޮޑު ގޮތެއްގައި ރައްޔިތުންނާ ހަމައަށް އެނިގެންދާނެ ކަމެއް ކަމަށް ވެސް މިނިސްޓަރު ވިދާޅުވިއެވެ.
