މިދިޔަ އަހަރަށް ވުރެ މިއަހަރު މާގިނަ ދަރިވަރުން ބައިވެރިވެފައިވޭ
ޤުރުއާން އަދި މަދަހަ މުބާރާތާ ގުޅޭގޮތުން މާލެސިޓީ ކައުންސިލްގެ ސިނިއަރ ކައުންސިލް އެގްޒެކްޓިވް އިބްރާހިމް ރަޝީދު ވާހަކަދައްކަވަނީ
މާލެސިޓީ ކައުންސިލްގެ 4 ވަނަ ޤުރުއާން މުބާރާތް އަދި މަދަހަ މުބާރާތަށް ބޮޑު ތަރުހީބެއް ލިބެއްޖެއެވެ.
އާދިއްތަ ދުވަހު މާލެސިޓީ ކައުންސިލްގެ 4 ވަނަ ޤުރުއާން މުބާރާތް އަދި މަދަހަ މުބާރާތް 1446 ހުޅުމުގެ ރަސްމިއްޔާތުގައި މާލެސިޓީ ކައުންސިލްގެ ސިނިއަރ ކައުންސިލް އެގްޒެކްޓިވް އިބްރާހިމް ރަޝީދު ވިދާޅުވީ މިއީ މާލެސިޓީ ކައުންސިލުން ފާހަގަކުރާ އެންމެ ބޮޑު ދެ މުބާރާތް ކަމަށާއި، މި ދެ މުބާރާތަށް ބޮޑު ތަރުހީބެއް ލިބިފައިވާ ކަމަށެވެ. އަދި މިދިޔަ އަހަރަށް ވުރެ މިއަހަރު މާގިނަ ދަރިވަރުން ބައިވެރިވެފައިވާ ކަމަށް އޭނާ ވިދާޅުވިއެވެ.
ރަޝީދު ވިދާޅުވީ މާލެސިޓީ ކައުންސިލުން އިސްނަގައިގެން ކުރިއަށް ގެންދާ ޤުރުއާން މުބާރާތާއި، މަދަހަ މުބާރާތުގައި ބައިވެރިވުމަށް ހުޅުވާލީ ހަމައެކަނި މާލެސިޓީއަށް ނޫން ކަމަށާއި، ރާއްޖޭގެ ކޮންމެ ހިސާބެއްގެ ދަރިވަރަކަށް ވެސް މިމުބާރާތުގައި ބައިވެރިވުމުގެ ފުރުސަތު ހުޅުވާލި ކަަމަށެވެ. އެގޮތުން ޖުމްލަ 900ށް ވުރެ ގިނަ ދަރިވަރުން ބައިވެރިވެފައިވާ ކަމަށް ރަޝީދު ވިދާޅުވިއެވެ.
މާލެސިޓީ ކައުންސިލްގެ ޤުރުއާން މުބާރާތުގެ ފަނޑިޔާރުންނަކީ އިބްރާހިމް ރަމީޒު، އަލްޤާރީ ފިރާގު މުހައްމަދުފުޅު، އަލްގާރީ ނިޝާން ހުސެއިން އެވެ. އަދި މަދަހަ މުބާރާތުގެ ފަނޑިޔާރުންނަކީ އިބްރާހިމް މޫސާ ފިކުރީ، ރާފިޔަތު ރަމީޒާ އަދި ޝިފާ ތައުފީގެވެ.
