ދައުލަތުގެ ކުންފުނިތަކުން އެމީހަކަށް އަތު ޖެހުނު ގޮތަކަށް ބޮޑެތި ވައްކަން ކުރަނީ: މެމްބަރު އައްބާސް
"މިހާރު ޤައުމު މިދާގޮތައް ދާނަމަ ދިވެހި ދައުލަތް ބަގުރޫޓުވެ، ރައްޔިތުން ބަނޑައްޖެހޭނެ."
މެމަބަރު މުހައްމަދު އައްބާސް
ދައުލަތުގެ އެކި ކުންފުނިތަކުން އެމީހަކަށް އަތުޖެހުނު ގޮތަކައް ބޮޑެތި ވައްކަންތައް ކުރަމުން އެބަ ގެންދާ ކަމަށް ވެލިދޫ ދާއިރާގެ މެމްބަރު މުހައްމަދު އައްބާސް ވިދާޅުވެއްޖެއެވެ.
އެމްޑީއޭ ގެ ނައިބު ރައީސް ކަންވެސް އަދާ ކުރައްވާ އައްބާސް ވިދާޅުވީ، ކޮވިޑްގެ ހާލަތުގައިވެސް ރައްޔިތުން ނިކަމެތި ނުވާ ވަރަށް ރައްޔިތުންގެ އަތްމަތި ދަތިވެ، ދަރަނިވެރިވެފައިވާ ބޮޑު މަންޒަރު މިހާރު ފެނިގެންދާ ކަމަށެވެ.
އައްބާސް އެކްސް ގައި ކުރެއްވި ޕޯސްޓެއްގައި ސަރުކާރުގެ ތެރޭގައި ހިންގަމުންދާ ވައްކަން ތަކާއި، ޚަރަދު ކުޑަ ކުރުމަށް ބެލުމެއް ނެތި ބޮޑެތި މުސާރާ ތަކުގައި ސިޔާސީ މަގާމު ތަކަށް މީހުން ނަގަމުންދާ ކަން ވަނީ ފާހަގަ ކުރައްވާފައެވެ.
"މިހާރު ޤައުމު މިދާގޮތައް ދާނަމަ ދިވެހި ދައުލަތް ބަގުރޫޓުވެ، ރައްޔިތުން ބަނޑައްޖެހޭނެ."
އެމްޑީއޭ އަށް ނިސްބަތްވި ނަމަވެސް މުއިއްޒު ސަރުކާރަށް މަޖިލީހުގެ މަސައްކަތުގެ ތެރެއިން އެއްބާރުލުން ދެއްވަމުން ގެންދަވާ ކަން ފާހަގަ ކުރެވިފައިވާ އައްބާސް ވިދާޅުވީ، ރައީސް މުއިއްޒުގެ ސަރުކާރުން ހަރަދު ކުޑަކުރަން ހަމައެއްވެސް ފިޔަވަޅެއް ނާޅާ ތަނުގައި އެއްދުވަހުން އަނެއްދުވަހައް އެކިބޭފުޅުން އަށް ސިޔާސީ ވަޒީފާތައް ދެމުން ދާތަން ފެނިގެންދާ ކަމުގައެވެ.
"އިށީންނާނެ ގޮނޑިއެއް މޭޒެއް ނެތި ކޮންމެ މިނިސްޓްރީ އެއްގައި އެތައް ބައިވަރު ސްޓޭޓް މިނިސްޓަރ، ޑެޕިއުޓީ މިނިސްޓަރ، ޕޮލިޓިކަލް ޑިރެކްޓަރ، ޑެޕިއުޓީ ޕޮލިޓިކަލް ޑިރެކްޓަރ އެބަތިބި!"
އައްބާސް ފާހަގަ ކުރެއްވީ، މީން ކޮންމެ ބޭފުޅަކަށް ރައްޔިތުންގެ ޓެކްސް ފައިސާ އިން 25000 އިން ފެށިގެން 45000 ރެފިޔާގެ މުސާރަ ދެމުންދާ ކަމަށެވެ.
މަސްވެރިކަމުގެ ސިނާޢަތު ނެތިގެންދާއިރު ކޮންސްޓްރަކްޝަން އިންޑަސްޓްރީ ފުނޑިއްޖެ ކަމަށް ވެސް އައްބާސް ވިދާޅުވިއެވެ.
