"އުންމަތް ފަލަސްތީނާއި އެކު" ނަމުގައި ޒުވާނުން އިސްނަގައިގެން ހިނގާލުމެއް ބާއްވައިފި
26 އޮކްޓޯބަރު 2024 | ހޮނިހިރު 00:51މިއީ ފަލަސްތީނުގެ މުސްލިމުންނާއި ދެކޮޅަށް އިސްރާއީލުން ހިންގާ ލާއިންސާނީ ޖަރީމާތަކާއި ދެކޮޅަށް އަޑު އުފުލުމަށް ބޭއްވި ހިނގާލުމެއް
އުންމަތް ފަލަސްތީނާއި އެކު, ހިނގާލުން
"އުންމަތް ފަލަސްތީނާއި އެކު" ނަމުގައި ޚާއްސަ ހިނގާލުމެއް ބާއްވައިފިއެވެ.
މިއީ ފަލަސްތީނުގެ މުސްލިމުންނާއި ދެކޮޅަށް އިސްރާއީލުން ހިންގާ ލާއިންސާނީ ޖަރީމާތަކާއި ދެކޮޅަށް އަޑު އުފުލުމަށް ބޭއްވި ހިނގާލުމެކެވެ. ހުކުރު ދުވަހުގެ ރޭގެ 08:00ން ފެށިގެން ކުރިއަށް ގެންދިޔަ ހިނގާލުން ކުރިއަށް ދިޔައީ ސޯޝަލް ސެންޓަރ އިން ފެށިގެން އާޓިފިޝަލް ބީޗާއި ހަމައަށެވެ.
މި ހަރަކާތަކީ ފަލަސްތީނުގައި މުސްލިމުންނަށް ކުރަމުންދާ އަނިޔާ އާއި ގުޅިގެން ދިވެހި ޒުވާނުންތަކެއް އިސްވެ ކުރިއަށް ގެންދިޔަ ހަރަކާތެކެވެ. ޔޫތް ފޯ ޔުނިޓީ އިން އިސްނަގައިގެން ކުރިއަށް ގެންދިޔަ މި ހިނގާލުމަށް ބޮޑު ތަރުޚީބެއް ވަނީ ލިބިފައެވެ. އެ ހިނގާލުމުގައި އެހެން ޖަމިއްޔާތައް ވެސް ބައިވެރިވެފައިވެއެވެ. އެ ހިނގާލުމުގެ ބައިވެރިން ވަނީ އެމެރިކާ އެމްބަސީ ރާއްޖެއިން ބޭރުކުރުމަށް ގޮވާލާފައެވެ. އަދި އިސްރާޢީލް ޕާސްޕޯޓް މަނާކުރުމަށް އެއްވުމުގެ ބައިވެރިން ވަނީ ގޮވާލާފައެވެ. ހަމައެހެންމެ އިސްރާޢީލްގެ ޕްރޮޑަކްޓްތައް މަނާކުުރުމަށް ވެސް ބައިވެރިން ވަނީ ގޮވާލާފައެވެ.
އެ ހިނގާލުމަށް ފަހު އާޓިފިޝަލް ބީޗްގައި ޚާއްސަ ދަރުސްއެއް ވަނީ ބާއްވާފައެވެ. އެ ދަރުސްގައި ފަލަސްތީނުގެ މުގައްދަސް ބިމާއި، ފަލަސްތީނުގައި އިސްރާއިލުން ހިންގާ ޖަރީމާތަކާއި ގުޅޭ މައުލޫމާތު ވަނީ ދީފައެވެ.
ހުކުރު ދުވަހު ހަވީރު ވެސް މިފަދަ ބައެއް ހަރަކާތްތައް ވަނީ ކުރިއަށް ގެންގޮސްފައެވެ. އެގޮތުން ބޮއިކޮޓް ސްޓޯލްގެ ނަމުގައި ސްޓޯލް އެއް ބަހައްޓާ ބޮއިކޮޓްކޮށްފައިވާ އިސްރާއީލްގެ ޕްރޮޑަކްޓްތަކުގެ ބަދަލުގައި ބޭނުންކުރެވިދާނެ ޕްރޮޑަކްޓްތައް އެ ސްޓޯލްތަކުން ވަނީ ދައްކާލާފައެވެ. ހަވީރު ކުރިއަށް ގެންދިޔަ ހަރަކާތް ކުރިއަށް ގެންގޮސްފައި ވަނީ ފަންޑް ރެއިޒިން ހަރަކާތެއްގެ ގޮތުގައެވެ. އަދި މީގެ އިތުރުން ހޭލުންތެރިކުރުމުގެ ހަރަކާތްތަކެއް ވެސް ވަނީ ހިންގާފައެވެ.
