ލަންކާގެ ރިސޯޓަކަށް ހަމަލާދޭން އުޅޭ ކަމުގެ އިންޒާރާ އެކު 3 މީހުން ހައްޔަރުކޮށްފި
އިޒްރޭލުންވެސް ވަނީ ސްރީލަންކާ ގައި އުޅޭ އިޒްރޭލުގެ މީހުންގެ ކިބައިން އަރުގަމް ބޭ ސަރަހައްދަށް ނުދިއުމަށާއި، އަދި އެ ސަރައްދުގައި ތިބި މީހުން ވަގުތުން އެ ސަރަޙައްދު ދޫކޮށް ދިއުމަށް އަންގާފަ
ސެޕްޓެމްބަރު 21، 2024 ގައި ލަންކާގެ ވެރިރަށުގެ މަގުމަތީގައި ޗެކްޕޮއިޓެއްގައި ފުލުހުން ހަރަކާތްތެރިވަނީ
ސްރީލަންކާ އަށް ޒިޔާރަތް ކުރާ އިޒްރޭލުގެ ފަތުރުވެރިންނަށް އަމާޒުކުކޮށް ހަމަލާއެއް ދޭން ރާވާފައިވާކަމުގެ އިންޒާރުތަކާ ގުޅިގެން ތިން މީހަކު ހައްޔަރުކޮށްފިކަމަށް ސަރުކާރުގެ މިނިސްޓަރެއް ބުރާސްފަތި ދުވަހު ވިދާޅުވެއްޖެއެވެ.
ލަންކާއަށް ޒިޔާރަތްކުރާ ފަތުރުވެރިންގެ މެދުގައި މަގްބޫލް މަންޒިލަކަށް ހަމަލާއެއް ދީފާނެކަމުގެ އިންޒާރެއް އެމެރިކާއިން ނެރުމާ ގުޅިގެން ބުދަ ދުވަހު އެ ޤައުމުގެ ސަލާމަތީ ފިޔަވަޅުތައް އޮތީ ވަރުގަދަ ކޮށްފައެވެ.
ޢާންމު ސަލާމަތާއި ޚާރިޖީ ކަންކަމާ ބެހޭ ވަޒީރު ވިޖިތަ ހެރަތު ވިދާޅުވީ ސްރީލަންކާގެ 3 މީހުން މިހާރު ހައްޔަރު ކޮށް ސުވާލު ކުރަމުންދާ ކަމަށެވެ.
ތަހުގީގަށް ހުރަސް އެޅިދާނެ ކަމަށް ވިދާޅުވެ އިތުރު ތަފްސީލެއް ނުދެއްވައެވެ.
އިޒްރޭލުގެ ދަތުރުވެރިންނަށް ނުރައްކަލެއް އޮތްކަމުގެ އިންޓެލިޖެންސް އެހެން ޤައުމެއްގެ ފަރާތުން ލިބުމާ ގުޅިގެން ސްރީލަންކާގެ އިރުމަތީގައި އޮންނަ މަޝްހޫރު ސާފިންގ މަންޒިލެއްކަމަށްވާ އަރުގަމް ބޭގެ ސަލާމަތީ ފިޔަވަޅުތައް ހަރުދަނާކޮށްފައިވާ ކަމަށް ބުދަ ދުވަހު ފުލުހުން ވަނީ ބުނެފައެވެ.
ބުރާސްފަތި ދުވަހު ހެރަތު ވިދާޅުވީ ލިބިފައިވާ މަޢުލޫމާތުގައި ވަކި ތަފްސީލުތަކެއް ނުހިމެނޭ ކަމަށާއި، ނަމަވެސް އިޒްރޭލުގެ ރައްޔިތުން އަޅުކަން ކުރުމަށް ޖަމާވާ ތަންތަނުގައި ހަމަނުޖެހުން އުފެއްދުމަށް މަސައްކަތް ކޮށްފާނެ ކަމުގެ މައުލޫމާތު ލިބިފައިވާ ކަމަށެވެ.
މިވަގުތު ސްރީލަންކާގައި 575 އިޒްރޭލު ރައްޔިތުން ތިބިކަމަށް އޭނާ ވިދާޅުވިއެވެ.
އަދި ބުދަ ދުވަހު، ސްރީލަންކާގައި ހުންނަ އެމެރިކާގެ އެމްބަސީން، ފަތުރުވެރިކަމުގެ ބައެއް މަންޒިލުތަކަކަށް އަމާޒުކޮށް ހަމަލާއެއް ދޭނެކަމުގެ އިތުބާރުހުރި މަޢުލޫމާތެއް ލިބިފައިވާތީ ކަމަށް ބުނެ އަރުގަމް ބޭ ސަރަޙައްދަށް ނުދިއުމަށް އެމެރިކާގެ ރައްޔިތުންނަށް އިންޒާރު ދީފައިވެއެވެ.
އިޒްރޭލުންވެސް ވަނީ ސްރީލަންކާ ގައި އުޅޭ އިޒްރޭލުގެ މީހުންގެ ކިބައިން އަރުގަމް ބޭ ސަރަހައްދަށް ނުދިއުމަށާއި، އަދި އެ ސަރައްދުގައި ތިބި މީހުން ވަގުތުން ވަގުތަށް އެ ސަރަޙައްދު ދޫކޮށް ދިއުމަށް އަންގާފައެވެ.
