3 ދާއިރާއަކުން ޑޮކްޓަރުން ތަމްރީނުވުމަށް ޔުނިވަރސަލްގެ ސްކޮލަރޝިޕްތައް ހަވާލުކޮށްފި
21 އޮކްޓޯބަރު 2024 | ހޯމަ 15:042014 ވަނަ އަހަރުން ފެށިގެން މިހާތަނަށް ދިވެހި ކިޔަވާ ދަރިވަރުންނަށް 121 ސްކޮލާޝިޕް ދީފައިވޭ
ޔުނިވަރސަލް ފައުންޑޭޝަނުން ޑޮކްޓަރީ ދާއިރާއިން މަތީ ތައުލީމު ހާސިލްކުރުމަށް ސްކޮލަރޝިޕްދިން ފަރާތްތައް
ޔުނިވަރސަލަ ފައުންޑޭޝަނުން މިއަހަރަށް ހުޅުވާލައިގެން ޑޮކްޓަރުން މަތީތައުލީމް ހާސިލްކުރުމަށް ހުޅުވާލި ފުރުސަތުގައި ކުރިމަތިލި ފަރާތްތަކުގެ ތެރެއިން ހޮވުނު 3 ފަރާތަށް ލިޔުން ހަވާލުކޮށްފިއެވެ.
ޔުނިވަރަސަލް ފައުންޑޭޝަނުން ބުނީ މެޑިކަލް ދާއިރާގައި ތިއްބެވި 3 ޑޮކްޓަރުން މާސްޓަރސް ފެންވަރަށް ކިޔެވުމަށް ފުރުސަތު ފަހިކޮށްދެވިގެންދާނެ ކަމަށެވެ. މީގެ ތެރެއިން 1 ބޭފުޅަކު ކިޔަވާނީ، މެލޭޝިއާގެ މަލާލާ ޔުނިވަރސިޓީގައި މާސްޓަރ އޮފް އީއެންޓީ ކަމަށެވެ. މީގެ އިތުރުން ކުޑަކުދިންގެ ހާއްސަ ޑޮކްޓަރަކާއި، ސަރޖަރީގެ ދާއިރާއިން އެއް ޑޮކްޓަރަކު މާސްޓަރސް ހައްދަވާނެ ކަމަށެވެ.
މި ޕްރޮގްރާމަކީ ޔުނިވަރސަލްއިން ޒަމާންތަކެއް ވަންދެން ހިންގަމުން އަންނަ ޕްރޮގްރާމެކެވެ. މިއީ ޔުނިވަރސަލްގެ ޗެއަރމަން އަޑި ޑިރެކްޓަރުން ވަރަށް ބޮޑު އިސްކަމެއް ދެއްވައިގެން ސީއެސްއާރު ޕްރޮގްރާމެއްގެ ގޮތުގައި ކުރިއަށް ގެންދާ ޕްރޮގްރާމެކެވެ. މިހާރުވެސް އެތައް ޑޮކްޓަރުންނެއް މި ޕްރޮގްރާމުގެ ދަށުން ކިޔަވައި އަދި ކިޔަވަމުންދެއެވެ.
2014 ވަނަ އަހަރު ޔުނިވަރސަލް ފައުންޑޭޝަން އުފެއްދުމުގެ ކުރިންވެސް ޔުނިވަރސަލްއިން ވަނީ މިފަދަ އެތައް ފުރުސަތެއް ފަހިކޮށްދީފައެވެ. ފައުންޑޭޝަން ހިންގަން ފެށި ފަހުން އެކަނިވެސް 121 ސްކޮލަރޝިޕެއް ބޭރުގެ ގައުމުތަކުން ދީފައިވެއެވެ. އަދި މިހާރުވެސް 15 ވަަރަކަށް ދަރިވަރުން އެކި ދާއިރާތަކުން ހާއްސަކޮށް މެޑިކަލް ދާއިރާތަކުން ދަނީ ކިޔަވަމުންނެވެ.
ޔުނިވަރސަލް ފައުންޑޭޝަންގެ މަގުސަދަކީ އިންސާނީ ވަސީލަތްތައް ހަރުދަނާކުރުމަށް އެހީތެރިވުމާއި، އިންސާނިއްޔަތަށްޓަކައި ކުރަންޖެހޭ ކަންކަން ކޮށްދިނުމެވެ.
