އުމުރުން ފަސް އަހަރުގެ ކުދިން އެ ކުދިންގެ 15 އަހަރުގައި ރާއްޖޭގައި ވެރިކަން ކުރެއްވި ރައީސް ޑރ. މުހައްމަދު މުއިއްޒުގެ ވާހަކަ ދައްކަވާނެ
އިނގުރައިދޫ ދާއިރާގެ މެންބަރު އިބްރާހިމް ފަލާހު
ވެރިކަމަށް ވަޑައިގަންނަވަން ވެވަޑައިގެންނެވި ވައުދުފުޅުތަކާއި، މިހާތަނަށް ނުކުރައްވާނެކަމަށް ވިދާޅުވި އެތައްކަމެއް ކުރައްވާ އިތުރުފުޅު ހެއްދެވުމުގައި ގައުމީ ރެކޯޑް ހައްދަވަމުން ގެންދަވާ ރައީސް ޑރ. މުހައްމަދު މުއިއްޒާއި، މިގައުމުގެ މިނިވަންކަމާއި، އިސްތިގުލާލާއި ދިވެހިންގެ އަމިއްލަވަންތަކަށް ދިފާއުކުރެއްވި ބޮޑު ތަކުރުފާނާއި އެއްވަރުކުރައްވައިފިއެވެ.
ބުދަ ދުވަހު ބޭއްވި ރައްޔިތުންގެ މަޖިލީހުގެ ޖަލްސާގައި، ޕީއެންސީގެ ޕާލަމެންޓްރީ ގްރޫޕުގެ ލީޑަރު އަދި އިނގުރައިދޫ ދާއިރާގެ މެންބަރު އިބްރާހިމް ފަލާހު ވިދާޅުވީ، އުމުރުން ފަސް އަހަރުގެ ކުދިން އެ ކުދިންގެ 15 އަހަރުގައި ރާއްޖޭގައި ވެރިކަން ކުރެއްވި ރައީސް ޑރ. މުހައްމަދު މުއިއްޒުގެ ވާހަކަ ދައްކަވާނެ ކަމަށެވެ. އެކުދިން ދެވަނަ ބޮޑު ތަކުރުފާނުގެ ނަމުން ރައީސް މުއިއްޒުއާއި މުހާތަބުކުރައްވާނެ ކަމަށެވެ.
7000 އާއި ގާތްކުރާ އަދަކަށް ވަޒީފާދީ 2000ށް ވުރެ ގިނަ ސިޔާސީ މަގާމްތައް އުފައްދަވާ، ރާއްޖޭގެ މާލީ ހާލަތު މިއިން ޒަމާނެއްގައި ދަށަށް ނުދާވަރަށް ހާލަތު ދަށްކުރެއްވި ރައީސް މުއިއްޒު އަކީ ދައުލަތުގެ ޚަރަދު ކުޑަކޮށް، ދައުލަތަށް އާމްދަނީ ލިބޭނެ ގޮތްތައް އިތުރުކުރައްވާ ރައީސްއެއްކަމަށް ފަލާހު ވިދާޅުވިއެވެ.
