ސާބިއާ އަތުން މޮޅުވެ ސްޕެއިން ކުއާޓާ ފައިނަލަށް
މޮޅާއެކު ސްޕެއިން އިން ކުއާޓާ ފައިނަލްގެ ފުރުސަތު ހޯދީ މިހާތަނަށް ކުޅުނު ހަތަރު މެޗުން 10 ޕޮއިންޓު ހޯދައިގެންނެވެ.
ސްޕެއިން އާއި ސާބިއާ ކުޅުނު މެޗުގެ ތެރެއިން
ޔުއެފާ ނޭޝަންސް ލީގު އޭގެ ގުރޫޕު ހަތަރެއްގައި ސާބިއާއާ ދެކޮޅަށް ކުޅުނު މެޗުން މޮޅުވެ، އެންމެ ފަހުގެ ޗެމްޕިއަން ސްޕެއިން އިން މުބާރާތުގެ ކުއާޓާ ފައިނަލް އިން ޖާގަ ހޯދައިފި އެވެ.
އަންގާރަ ދުވަހުގެ ރޭ ސާބިއާއާ ދެކޮޅަށް ކުޅުނު މެޗު ސްޕެއިން އިން ކާމިޔާބު ކުރީ 3-0ންނެވެ. މެޗުގެ ފުރަތަމަ ހާފުގައި ސްޕެއިން އިން އެއް ލަނޑު ޖެހިއިރު، އަނެއް ދެ ލަނޑު ޖެހީ ފަހު ހާފުގަ އެވެ.
މެޗު ފަށައިގެން ފަސް ވަނަ މިނެޓުގައި ސްޕެއިން އަށް ލީޑު ނަގައިދިނީ އައިމެރިކް ލަޕޯޓް އެވެ. އެއީ ޕެޑްރޯ ޕޮރޯ ތަނަވަސްކޮށްދިން ފުރުސަތެއްގައި އޭނާ ޖެހި ލަނޑެކެވެ. ދެ ވަނަ ހާފު ފަށައިގެން ކުރީ ކޮޅު ސްޕެއިންގެ ދެ ވަނަ ލަނޑު އަލްވާރޯ މޮރާޓާ ޖެހީ އެ ޓީމަށް ލިބުނު ޕެނަލްޓީ ކާމިޔާބު ކޮށްގެންނެވެ. އޭގެ ފަހުން 64 ވަނަ މިނެޓުގައި ސްޕެއިންގެ ތިން ވަނަ ލަނޑު ޖެހީ ވެސް މޮރާޓާ އެވެ. އެ ލަނޑު އޭނާ ޖެހީ ފަބިއާ ރުއީޒް ތަނަވަސްކޮށްދިން ފުރުސަތެއްގަ އެވެ.
މޮޅާއެކު ސްޕެއިން އިން ކުއާޓާ ފައިނަލްގެ ފުރުސަތު ހޯދީ މިހާތަނަށް ކުޅުނު ހަތަރު މެޗުން 10 ޕޮއިންޓު ހޯދައިގެންނެވެ. ތިން މެޗުން އެ ޓީމު މޮޅުވެފައިވާއިރު، އެއް މެޗު ވަނީ އެއްވަރުވެފަ އެވެ.
