ލުބުނާނުގެ ބައިނަލްއަގްވާމީ ވައިގެ ބަނދަރު ކައިރީގައި ހުރި ގުދަނަކަށް އިޒްރޭލުން ބޮން އަޅައިފި
މިއީ މިހާތަނަށް ވައިގެ ބަނދަރާ އެންމެ ކައިރިން ދެވުނު ހަމަލާ ކަމަށް ރިޕޯޓްތަކުން ފާހަގަ ކޮށްފައިވޭ
ދެކުނު ލުބުނާނަށް ސެޕްޓެމްބަރ 28، 2024 ގައި އިޒްރޭލުން ބޮން އެޅުމުގެ ސަބަބުން އެ ސަރަހައްދުން ބޯ ދުން އަރަނީ
ބެއިރޫތުގެ ވައިގެ ބަނދަރާ ކައިރީގައި ހުރި ގުދަނަކަށް ހޮނިހިރު ދުވަހު އިޒްރޭލުން ބޮން އަޅައިފި ކަމަށް ލުބުނާނުގެ ސަލާމަތީ މަސްދަރަކުން ބުނެފިއެވެ. ބެއިރޫތުގެ ވައިގެ ބަނދަރަކީ ލުބްނާނުގެ ހަމައެކަނި ބައިނަލްއަޤްވާމީ މަދަނީ ވައިގެ ބަނދަރެވެ.
"އިޒްރޭލުން ދިން ހަމަލާ އަމާޒުވެފައިވަނީ ވައިގެ ބަނދަރާ ކައިރި ގުދަނަކަށް،" މިޑިއާތަކުން ރިޕޯޓްކޮށްފައިވެއެވެ.
ހަމަލާއަށްފަހު ވައިގެ ބަނދަރުގެ ރަންވޭއާ ކައިރި ސަރަހައްދުން ދުން އަރަމުންދާ މަންޒަރު އޭއެފްޕީގެ ލައިވް ފުޓޭޖުން ފެނިފައިވެއެވެ.
ސަލާމަތީ މަސްދަރަކުން ރޮއިޓަރޒްއަށް މައުލޫމާތު ދީފައިވާ ގޮތުގައި، އިޒްރޭލުން ހޮނިހިރު ދުވަހު ދިން މި ހަމަލާ އަމާޒުވެފައިވަނީ ބެއިރޫތުގެ ވައިގެ ބަނދަރުގެ އިމާރާތްތަކާ 500 މީޓަރު ދުރުގައިވާ ސިނާއީ ސަރަހައްދަކަށެވެ.
މިއީ މިހާތަނަށް ވައިގެ ބަނދަރާ އެންމެ ކައިރިން ދެވުނު ހަމަލާ ކަމަށް އެ މަސްދަރުން ފާހަގަ ކޮށްފައިވެއެވެ.
ހަމަލާ އަމާޒުވި ސަރަހައްދުގައި ގިނަ އަދަދެއްގެ ކާރު މަރާމާތުކުރާ ގަރާޖުތައް ހުރި ކަމަށް އެ މަސްދަރުން ބުނެފައިވެއެވެ.
މިޑްލް އީސްޓް އެއަރލައިންސްގެ ވެރިޔާ މުހައްމަދު އަލް-ހޫތް އާ ހަވަލާދީ މީޑިއާ ރިޕޯޓްތައް ބުނެފައިވަނީ ވައިގެ ބަނދަރު އާންމު ގޮތަށް ހިނގަމުންދާ ކަމަށެވެ.
