ދައުރުން ބޭރުން ބާއްވާ ދެވަނަ ޖަލްސާ ފެށިގެން ކުރިއަށް، އެޖެންޑާގައި ސަރުކާރުގެ ފަރާތުން ހުށަހެޅި ކުންފުންޏާބެހޭ ބިލުގެ މަސައްކަތް އެކަނި
16 ސެޕްޓެމްބަރު 2024 | ހޯމަ 04:27ސަރުކާރުން ބޭނުންވާ ކަންކަން ކުރުމަށް ދައުރުން ބޭރުން ޖަލްސާ ބާއްވައިގެން ކުރިއަށް ގެންދޭ
20 ވަނަ ރައްޔިތުންގެ މަޖިލިސް
ރައްޔިތުންގެ މަޖިލީހުގެ ދައުރުން ބޭރުން ބާއްވާ ދެވަނަ ޖަލްސާ ފަށައިފިއެވެ.
ހޯމަ ދުވަހު ދައުރުން ބޭރުން ބާއްވާ ޚާއްސަ ޖަލްސާއެއް ކުރިއަށް ގެންގޮސްފައިވާއިރު، ޖަލްސާގެ އެޖެންޑާގައި އޮތީ ހަމައެކަނި ސަރުކާރުގެ ފަރާތުން ފޭދޫ އުތުރު ދާއިރާގެ މެމްބަރު އިސްމާއިލް ނިޒާރު ހުށަހަޅުއްވާފައިވާ ޤާނޫނު ނަންބަރު 7/2023 (ކުންފުނީގެ ޤާނޫނަށް) އިސްލާޙު ގެނައުމުގެ ބިލުގެ މަސައްކަތް އެކަންޏެވެ.
ދައުރުން ބޭރުން ބާއްވާ ފުރަތަމަ ޖަލްސާ ބޭއްވީ ޕްރޮސެކިއުޓަރ ޖެނެރަލް ކަމަށް ބޭފުޅަކު އައްޔަނު ކުރެއްވުމާ ގުޅޭ މަސައްކަތްތައް ކުރުމަށެވެ.
ސަރުކާރުން ބޭނުންވާ ކަންކަން ކުރުމަށް ދައުރުން ބޭރުން ޖަލްސާ ބާއްވައިގެން ކުރިއަށް ގެންދާއިރު، އިޒްރޭލު ޕާސްޕޯޓު މަނާ ކުރުމުގެ މައްސަލައިގައި މި ރޫހު ނުފެންނާތީ އެތައް ބަޔަކު ގެންދަނީ ސަރުކާރަށް ފާޑު ކިޔަމުންނެވެ.
