ގ.ސެންޓުގެ ގޯޅިތެރޭގައި ހުރި ގަރާޖެއްގައި އަލިފާނުގެ ހާދިސާއެއް ހިނގައި ދެމީހަކަށް އަނިޔާވެއްޖެއެވެ.
އެމްއެންޑީއެފުން ބުނީ މިހާދިސާގެ ރިޕޯޓު ލިބިފައިވަނީ އާދިއްތަ ދުވަހުގެ ރޭ 08:43 ހާއިރު ކަމަށެވެ.
އެމްއެންޑީއެފުން ބުނީ މިހާދިސާއާ ގުޅިގެން ދެމީހަކަށް އަނިޔާވެފައިވާ ކަމަށާއި، އައިޖީއެމްއެޗަށް ގެންގޮސްފައިވާ ކަމަށެވެ. އެއީ ބަންގްލަދޭޝް މީހަކާއި، އިންޑިއާ މީހެކެވެ. އެކަކު ފިހިގެން ހޮސްޕިޓަލަށް ގެންދިޔައިރު އަނެކަކު ގެންދިޔައީ ދުމުގެ އަސަރު ވަރަށް ބޮޑަށް ކޮށްގެންނެވެ.
އެގަރާޖުގައި ރޯވި އަލިފާން ނިއްވާލެވިފައިވާއިރު، އެގަރާޖަށް ވަނީ ބޮޑެތި ގެއްލުންތަކެއް ލިބިފައެވެ. އެތަނުގައި ހުރި ތަކެތި ވަނީ ބޭނުންނުކުރެވޭ ވަރަށް އަދާފައެވެ.
މިހާދިސާ ހިނގަން މެދުވެރި ސަބަބު ހާމަކޮށްފައިނުވެއެވެ.
ދޭތެރެދޭތެރެއިން މާލެސިޓީގައި ދަނީ ނުރައްކާތެރި އަލިފާނުގެ ހާދިސާތައް ހިނގަމުންނެވެ. 22 އޯގަސްޓް 2024 ވީ ބުރާސްފަތި ދުވަހުގެ ހެނދުނުގެ ވަގުތުގައި ކ.ތިލަފުށީ މެރީންޑޯ ވޯކްޝޮޕުގައި ވެސް ވަނީ ނުރައްކާތެރި އަލިފާނުގެ ހާދިސާއެއް ހިނގާފައެވެ.
