ޔުނައިޓެޑް މާމޮޅުހެން ހީވީ އަހަރުމެން ގެއްލުވާލި ބޯޅަތަކުން: ގާޑިއޯލާ

އިނގިރޭސި އާ ފުޓްބޯޅަ ސީޒަން ފަށަން ކުޅުނު ކޮމިއުނިޓީ ޝީލްޑް މެޗުގައި މެންޗެސްޓާ ޔުނައިޓެޑް މާމޮޅުކަމަށް ގިނަ ބަޔަކަށް ފެނުނީ އޭނާގެ ޓީމުން ގެއްލުވާލި ގިނަ ބޯޅަތަކެއްގެ ސަބަބުން ކަމަށް މެންޗެސްޓާ ސިޓީގެ ކޯޗު ޕެޕް ގާޑިއޯލާ ބުނެފި އެވެ.

ފާއިތުވެދިޔަ ހަތަރު ސީޒަނުގެ ޕްރެމިއާ ލީގުގެ ޗެމްޕިއަން ސިޓީ މި މެޗުން މޮޅުވީ 2-2އިން އެއްވަރުވުމުން ޕެނަލްޓީ ޖަހައިގެން 7-6އިންނެވެ.

އޭނާ ބުނީ ޔުނައިޓެޑްގެ ކުޅުންތެރިން ހަމަކޮށް ތިބި ނަމަވެސް އޭނާގެ ޓީމު މި މެޗުގައި ކުޅުނީ ވަރަށް މުހިންމު ބައެއް ކުޅުންތެރިން ނެތި ކަމަށެވެ. މި ގޮތުން ޔޫރޯގައި ގައުމީ ޓީމަށް ކުޅުނު އިނގިރޭސި ކުޅުންތެރިންނާއި އެ މުބާރާތުގެ ފައިނަލުގައި އިނގިރޭސިން ބަލިކޮށް ތަށި ހޯދި ސްޕޭނުގެ މިޑްފީލްޑަރު، އަދި ޔޫރީގެ މޮޅު ކުޅުންތެރިޔާ ރޮޑްރީ ވެސް ނެތް ކަމަށެވެ.

އޭނާ ބުނީ ޓީމަށް އައު ސީޒަނުގައި ބޮޑެތި ބަދަލުތަކެއް އައުން ދުރު ކަމަށެވެ.