ޕެނަލްޓީގައި މެންޗެސްޓަރ ޔުނައިޓެޑް ބަލިކޮށް, ސީޒަން ފަށަން ކުޅުނު ކޮމިއުނިޓީ ޝީލްޑް މެޗު މެންޗެސްޓަރ ސިޓީން ކާމިޔާބުކޮށްފި އެވެ.

އެފްއޭއެކަޕް ޗެމްޕިއަން ބަލިކޮށް, ޕްރިމިއަރ ލީގުގެ ޗެމްޕިއަން ސިޓީން ކޮމިއުނިޓީ ޝީލްޑް ކާމިޔާބުކުރީ 7-6 ން ކުރި ހޯދައިގެންނެވެ. މެޗުގެ ފުރިހަމަ ވަގުތު ނިމުނީ 1-1 ން ދެޓީމް އެއްވަރު ވެގެންނެވެ. 83 ވަނަ މިނިޓްގައި ފުރަތަމަ ލީޑް ނެގީ މެންޗެސްޓަރ ޔުނައިޓެޑުންނެވެ. ބަދަލަކަށް ދެވަނަ ހާފްގައި ނިކުމެ ލީޑް ނަގައިދިނީ ގާނާޗޯ އެވެ. ސިޓީއަށް މެޗުގެ ފުރިހަމަ ވަގުތުގެ ފަހު މިނިތްގައި ބެނާޑޯ ސިލްވާ އެވެ. މިއަދު 30 ވަނަ އުފަން ދުވަސް ފާހަގަކުރާ ބެނާޑޯ ސިލްވާ ކުޅެން ނިކުތީ މެޗުގެ ދެވަނަ ހާފްގެ ތެރޭގައެވެ. އެކަމަކު ސިޓީން ޖެހި ފުރަތަމަ ޕެނަލްޓީ ބެނާޑޯ ސިލްވާ އަތުން ނާކާމިޔާބުވިއެވެ. އޭނާ ޖެހި ޕެނަލްޓީ ޔުނައިޓެޑްގެ ކީޕަރު އޮނާނާ މަތަކުރިއެވެ. ފުރަތަމަ ފަސް ޕެނަލްޓީގެ ތެރެއިން ޔުނައިޓެޑަށް ނާކާމިޔާބުވީ ޖޯޑަން ސަންޗޯ ޖެހި ހަތަރުވަނަ ޕެނަލްޓީ އެވެ. ސަންޗޯގެ ޕެނަލްޓީ ކީޕަރު އެޑާސަން އަތުން ޖެއްސުމުންވެސް ގޯލަށް ނުވަނީ އަރިމަތީ ދަނޑީގައި ޖެހިފައެވެ. އެޑާސަން ވަނީ ސިޓީގެ ފަސްވަނަ ޕެނަލްޓީ ޖަހާފައެވެ.

ފުރަތަމަ ފަސް ޕެނަލްޓީގައި ދެޓީމް 4-4 ން އެއްވަރުވުމުން އިތުރަށް ޖެހި ޕެނަލްޓީގައި ޔުނައިޓެޑަށް ނާކާމިޔާބުވީ އިވާންސް ޖެހި ޕެނަލްޓީ އެވެ. އޭނާއަށް ފޮނުވާލެވުނީ ހުރަސްދަނޑި މަތިން ބޭރަށެވެ. ސިޓީއަށް ކޮމިއުނިޓީ ޝީލްޑް ޔަގީންކޮށްދިން ޕެނަލްޓީ ޖެހީ ޑިފެންޑަރ އަކަންޖީ އެވެ.

ސިޓީއަށް ވަނީ 2019, 2021, އަދި 2022 ވަނަ އަހަރު ކޮމިއުނިޓީ ޝީލްޑް މެޗުގައި ނާކާމިޔާބުވެފައވެެ.