އިޒްރޭލުން ޑްރޯން ހަމަލާއެއް ދީ ހަމާސްގެ އިސް ސަލާމަތީ އޮފިޝަލަކު ހުކުރު ދުވަހު ޝަހީދު ކޮށްލައިފިއެވެ.
ލުބުނާންގެ ރަސްމީ ނޫސް އެޖެންސީ އެންއެންއޭ އިން ބުނެފައިވަނީ އެ ހަމަލާގައި ޝަހީދު ވެފައިވަނީ ސަމީރް އަލް-ހައްޖު ކަމަށެވެ. އެނާ އަކީ ފަލަސްތީން މީހުންގެ އައިން އަލް-ހިލްވާ ރެފިއުޖީ ކޭމްޕް ގައި ހަމާސްގެ ފަރާތުން ހުންނަ އެންމެ އިސް ސެކިއުރިޓީ އޮފިޝަލް ކަމަށްވެސް މީޑީއާ ރިޕޯޓްތައް ބުނެފައިވެއެވެ.
އޭނާ ޝަހީދު ކޮށްލީ ލުބުނާންގެ ޕޯޓް ސިޓީ ސައިޑްންގެ މަގުމަތީގައި ދުއްވާފައި ދިޔަ ކާރާކަށް ހަމަލާ ދީގެންނެވެ.
މި ހަމަލާގައި ކޮމާންޑަރުގެ ބޮޑީ ގާޑުވެސް ވަނީ ޝަހީދުވެފައެވެ.
އޭގެ އިތުރުން އާންމުގެ ދެމީހުން ވަނީ ޒަޚަމްވެފައި ކަމަށް އެންއެންއޭ އިން ބުނެފައިވެއެވެ.
އިޒްރޭލުން ގެންދަނީ ހަމާސްގެ ލުބުނާންގެ ހިޒްބުﷲ ޖަމާއަތުގެ އިސްވެރިންނަށް ޓާގެޓް ކޮށް ޑްރޯން ހަމަލާތައް ދެމުންނެވެ.
