މޯލްޑިވިއަންއާއި ޑާކާއާ ދެމެދު މިއަދު ތާވަލު ކުރެވިފައިވާ ދަތުރުތައް ކެންސަލްކޮށްފި
6 އޯގަސްޓު 2024 | އަންގާރަ 06:43މޯލްޑިވިއަން އިން ވަނީ އިތުރު މައުލޫމާތު ހޯދުމަށް 1671ށް ގުޅުމަށް އެދިފައި
މޯލްޑިވިއަން އިން ބުނީ، ބަންގްލަދޭޝްގެ ޑާކާއަށް އަންގާރަ ދުވަހު ކުރަން ހަމަޖެހިފައިވާ ދެކޮޅުގެ ދަތުރުތައްވެސް ކެންސަލް ކޮށްފަ
ބަންގަލަދޭޝްގައި ކުރި ވަރުގަދަ މުޒާހަރާތަކާއި ގުޅިގެން އެ ޤައުމުގެ ސިޔާސީ މަސްރަހު ބަދަލުވަމުންދާ މި ދަނޑިވަޅުގައި މޯލްޑިވިއަންއިން އެ ޤައުމަށް ކުރާ ދަތުރުތައް މިވަގުތަށް ހުއްޓާލައިފިއެވެ.
އެކަމާ ގުޅޭގޮތުން ޤައުމީ އެއާލައިން މޯލްޑިވިއަން އިން ބުނީ، ބަންގްލަދޭޝްގެ ޑާކާއަށް އަންގާރަ ދުވަހު ކުރަން ހަމަޖެހިފައިވާ ދެކޮޅުގެ ދަތުރުތައްވެސް ކެންސަލް ކޮށްފައިވާ ކަމަށެވެ.
އަދި އެ ޤައުމުގެ ޙާލަތު ބަދަލުވަމުންދާ ގޮތް ގާތުން މޮނިޓަރ ކުރަމުންދާނެ ކަމަށާއި، މި ދަނޑިވަޅުގައި ފަސިންޖަރުންނަށް ފޯރުކޮށްދޭން ޖެހޭ އެހީތެރިކަން ފޯރު ކޮށްދެމުންދާނެކަމަށްވެސް މޯލްޑިވިއަންއިން ބުނެއެވެ.
މޯލްޑިވިއަން އިން ވަނީ އިތުރު މައުލޫމާތު ހޯދުމަށް 1671ށް ގުޅުމަށް އެދިފައެވެ.
