ޤަބޫލުކުރާ ވަކި އުސޫލުތަކާއި ހަމަތަކެއް ހުރޭ، ލީޑަރުންގެ ފަހަތުގައި މަސައްކަތް ކުރަން އުނދަގޫވަނީ އެހެންވެ: އުމަރު ނަސީރު
އެއްވެސް މީހެއްގެ ފަހަތުގައި މަސައްކަތް ކުރުމަކީ އޭނާއަށް އުނދަގޫ ކަމެއް ކަމަށް ވިދާޅުވި
ކުރީގެ ހޯމް މިނިސްޓަރ އުމަރު ނަސީރު
އެއްވެސް މީހެއްގެ ފަހަތުގައި މަސައްކަތް ކުރުމަކީ އުނދަގޫ ކަމެއް ކަމަށް ކުރީގެ ހޯމް މިނިސްޓަރު އުމަރު ނަސީރު ވިދާޅުވެއްޖެއެވެ.
ހޯމަ ދުވަހު ރާއްޖެޓީވީގެ ފަށާއިރު ޕްރޮގްރާމްގައި ވާހަކަ ދައްކަވަމުން އުމަރު ވިދާޅުވީ، އޭނާ ޤަބޫލުކުރާ ވަކި އުސޫލުތަކާއި ހަމަތަކެއް އޮންނަ ކަމަށާއި، ލީޑަރުންގެ ފަހަތުގައި މަސައްކަތް ކުރަން އުނދަގޫވަނީ އެ ސަބަބާހުރެ ކަމަށެވެ.
އުމަރު ވިދާޅުވީ، އެއްވެސް މީހެއްގެ ފަހަތުގައި މަސައްކަތް ކުރުމަކީ އޭނާއަށް އުނދަގޫ ކަމެއް ކަމަށެވެ.
އުމަރު ވިދާޅުވީ، ބޮޑެތި ޕާޓީތަކުގެ ތެރެއިން ވަޑައިގަންނަވާ ގިނަ ބޭފުޅުން ތިއްބަވަނީ ސިފަ ބަދަލު ކުރައްވައިގެން ކަމަށެވެ. އޭގެ މިސާލެއްގެ ގޮތުން މިހާރުގެ ރައީސް ޑރ މުޙައްމަދު މުއިއްޒާއި ކުރީގެ ރައީސުންގެ ނަންފުޅު އުމަރު ފާހަގަ ކުރެއްވިއެވެ. އެގޮތަށް މަސައްކަތް ކުރާއިރު، ދައްކަން ބޭނުން ނުވާ އެތައް ވާހަކަތަކެއްވެސް ދައްކަން ޖެހޭނެކަމަށް އުމަރު ވިދާޅުވިއެވެ.
ރިޔާސީ އިންތިޚާބުގައި ކުޅުދުއްފުށި ފަދަ ބޮޑެތި ބައެއް ރަށްރަށުން ގިނަ ވޯޓުތައް އުމަރަށް ލިބިވަޑައިގެންފައިވާއިރު، މަޖިލީހަށް ކުރިމަތިލެއްވުމުގެ ވިސްނުން ނެތްތޯ ކުރި ސުވާލަކަށް ޖަވާބު ދެއްވަމުން އުމަރު ވިދާޅުވީ، އޭނާ ޤައުމަށް ގެންނަން ބޭނުންފުޅުވާ ބަދަލު މަޖިލިސް ނުވަތަ ރަށު ކައުންސިލަކުން ނުގެނެވޭނެ ކަމަށެވެ.
