މޭރީގެ މަރު: މާވިން އާއި މޭރީ އާ އެއް އެޕާޓްމަންޓެއްގައި އުޅުނު ނަރުހެއްގެ ހެކިބަސް ނަގައިފި

މޭރީ ގްރޭސްގެ މަރުގެ މައްސަލައިގައި، އޭނާގެ ފިރިމީހާ މާވިން އެސްވައި ވަރގަސް އާއި އޭނާގެ ލޯބިވެރިޔާ ހަލީމަތު ލަމްހާގެ މައްޗަށް ހިންގާ ޝަރީއަތުގެ ހެކިބަސް ނެގުމުގެ އަޑުއެހުމެއް ބުދަ ދުވަހު ކްރިމިނަލް ކޯޓުގައި ކުރިއަށް ގެންގޮސްފިއެވެ.

މި އަޑުއެހުމަކީ މި މައްސަލައިގެ ހެކިބަސް ނެގުމަށް ބޭއްވި އަޑުއެހުމެކެވެ.

ބުދަ ދުވަހުގެ އަޑުއެހުމުގައި ވަނީ މާވިންގެ އާއިލާ އުޅުނު އެޕާޓްމަންޓްގައި ކޮޓަރިއެއް ކުއްޔަށް ނަގައިގެން އުޅުނު ނަރުހެއްގެ ހެކިބަސް ނަގާފައެވެ.

އޭނާ ބުނީ، ޙާދިސާ ހިނގި ދުވަހު މޭރީގެ ބޭބެ އަންނާތީ ކައްކަން އުޅުނު ތަން ފެނިފައިވާ ކަމަށް ބުނެފައެވެ. އެއީ އެ ދުވަހުގެ ހެނދުނުކަމަށް ހެކިވެރިޔާ ބުންޏެވެ.

އޭނާއަކީ ކުއްޔަށް އުޅޭ މީހަކަށްވާތީ މާވިން އަދި މޭރީއާ އެހާ ގިނައިން ވާހަކަ ދައްކާ ނޫޅޭކަމަށްވެސް އެ ހެކިވެރިޔާ ބުންޏެވެ.