މިސްރުގައި ދެ ރޭލު މުޑިއެރުމުގެ ސަބަބުން 41 މަރު
ހާދިސާ ހިނގީ މިސްރުގެ އަށްސޭރިފަށުގެ ސިޓީއެއް ކަމަށްވާ އެލެގްޒެންޑްރިއާ ގައި
ހާދިސާ އަށް ފަހު އޮފިޝަލުން ހަރަކާތްތެރި ވަނީ
މިސްރުގެ އުތުރު ސަރަހައްދެއްގައި ދެ ރޭލެއް މުޑިއެރުމުގެ ސަބަބުން 41 މީހުން މަރުވެ މަދުވެގެން 120 ވުރެ ގިނަ މީހުން ޒަޚަމްވެއެްޖެއެވެ.
މިސްރުގެ އައްސޭރިފަށުގެ ސިޓީއެއް ކަމަށްވާ އެލެގްޒެންޑްރިއާ ގައި ހިނގި މިހާދިސާގައި އެކްސިޑެންޓްވި ދެ ރޭލުގެ ބައެއް ބައިތައް ނުވަތަ ކެރިޖްތައް ރޭލު ދަގަނޑުން ކައްސާލިއެވެ.
ރިޕޯޓުތައް ބުނާގޮތުން އެކްސިޑެންޓްވި ދެ ރޭލުގެތެރެއިން އެއް ރޭލު އެކްސިޑެންޓްވުމުގެ ކުރިން ހުއްޓުނެވެ. މިކަމާ ބެހޭ ގޮތުން މިސްރުގެ ޓްރާންސްޕޯޓް މިނިސްޓަރު ވިދާޅުވެފައި ވަނީ އެ ރޭލު ހުއްޓެން ދިމާވީ "ހިއުމަން އެެރާ" ގެ ސަބަބުން ކަމަށެވެ.
އެކްސިޑެންޓްވި ދެ ރޭލުގެ ތެރެއިން އެއް ރޭލު ދަތުރު ކުރަމުން އައީ ވެރިރަށް ކެއިރޯ އިންނެވެ، އަދި އަނެއް ރޭލު އައީ ޕޯޓް ސެެޑް އިންނެވެ.
މިސްރުގެ ރައީސް އަބްދުލް ފައްތާހް އަލް-ސީސީ ވަނީ ހާދިސާ ތަހުގީގު ކުރުމަށް އަންގަވާފައެވެ. އަދި ސަރުކާރުން ވަނީ ހާދިސާގެ ޝިކާރައަކަށްވި ފަރާތްތަކަށް މާލީގޮތުން ބަދަލު ދޭން ނިންމާފައެވެ.
