ރާއްޖެއިން ބޭރަށް ދާ ދިވެހިންނަށް އެންސްޕާ އިން ފޯރުކޮށްދޭން ޖެހޭ ފައިސާ ނުދެވިވާ ކަމަށް ދެކެވޭ ވާހަކަތައް ދޮގުކޮށްފި
އެންސްޕާއިން ދޭން ޖެހޭ ފައިސާ ނުދެވިވާ ކަމަށް ބުނެ ދެކެވެމުންދާ ވާހަކަތަކުގެ އެއްވެސް ހަގީގަތެއް ނެތް ކަމަށް ހީނާ ފާހަގަކުރެއްވި
ރައީސުލްޖުމްހޫރިއްޔާގެ އޮފީހުގެ ޗީފް ސްޕޯކްސްޕަރސަން ހީނާ ވަލީދު
ރާއްޖެއިން ބޭރަށް ދާ ދިވެހިންނަށް އެންސްޕާ އިން ފޯރުކޮށްދޭން ޖެހޭ ފައިސާ ނުދެވިވާ ކަމަށް ދެކެވޭ ވާހަކަތައް ސަރުކާރުން ދޮގުކޮށްފިއެވެ.
ރާއްޖެއެމްވީ އަށް މައުލޫމާތުދިން އާއްމު މީހަކު ބުނީ ސަރުކާރުގެ ވެލްފެއަރ ޚިދުމަތުގެ ދަށުން ފޯރުކޮށްދޭން ޖެހޭ ފައިސާ ފޯރުކޮށް ނުދެވި އެކަމުގެ ކަންބޮޑުވުން އާއްމުން ފާޅުކުރަމުންދާ ކަމަށެވެ.
އަދި ރާއްޖެއިން ބޭރަށް ޚިދުމަތް ހޯދަން ދާ މީހުންނަށް ވެލްފެއަރ ބަޖެޓުން ރީއެމްބަރސްކޮށްދޭން ޖެހޭ ފައިސާ ހޯދުމަށް ދިއުމުން ފައިސާ ނެތް ކަމަށް ބުނަމުންދާ ކަމަށް ވެސް އޭނާ ވަނީ ބުނެފައެވެ.
އަދި ބެކްލޮގް ބޮޑުވެ އެންސްޕާއިން ދޭން ޖެހޭ ފައިސާ ދިނުމަށް ދަތިތަކާއި ދިމާވެފައިވާ ކަމަށާއި އެކަން ދިމާވަނީ ފިނޭންސުން އެންސްޕާ އަށް ދޭން ޖެހޭ ފައިސާ ފޯރުކޮށް ނުދޭތީ ކަމަށް ވަނީ އަޑު ފެތުރިފައެެވެ.
އަޑުފެތުރިފައި ވަނީ ފައިސާ ނުދެވި 30،000 ވަރަކަށް މީހުން ތިިބި ކަމަށެވެ.
ނަމަވެސް އެންސްޕާގެ ސީއީއޯ ހީނާ ވަލީދު ވަނީ ރާއްޖެޓީވީ އަށް މައުލޫމާތުދެއްވަމުން އެކަން ދޮގުކުރައްވާފައެވެ.
ހީނާ ވިދާޅުވީ މި ސަރުކާރު ވެރިކަމަށް އައިސް މި އަހަރުގެ މިހާތަނަށް ޚިދުމަތް ހޯދަން އެދި ހުށަހެޅި މީހުންގެ ޖުމުލަ އަދަދު ވެސް 30،000ށް ނާރާކަމަށެވެ. މިހާތަނަށް ޚިދުމަތްތައް ހޯދަން އެދުނީ 18000 ވަރަކަށް މީހުން ކަމަށާއި އެ އެންމެންނަށް ވެސް ބަރާބަރަށް ފޯރުކޮށްދެމުންދާކަމަށް ހީނާ ވިދާޅުވިއެވެ.
އެގޮތުން އަބަދުވެސް އެންމެ ގިނަ ވެގެންވެސް ފައިސާ ނުދެވި ހުންނާނީ ދެ ހަފްތާއެއްހާ ދުވަހު ކަމަށާއި އެއީ ޕްރޮސެސްކުރަން ޖެހޭ ކަންކަން ފުރިހަމަކުރުމަށް ނަގާ ވަގުތުކޮޅެއް ކަމަށް ހީނާ ވަނީ ވިދާޅުވެފައެވެ.
އެހެންކަމުން އެންސްޕާއިން ދޭން ޖެހޭ ފައިސާ ނުދެވިވާ ކަމަށް ބުނެ ދެކެވެމުންދާ ވާހަކަތަކުގެ އެއްވެސް ހަގީގަތެއް ނެތް ކަމަށް އޭނާ ފާހަގަކުރެއްވިއެވެ.
