ޖަރުމަނު ކެޓުމުން ނޫސްވެރިން ރެފްރީ އާއި ސުވާލުކުރަން އުޅެފި
މި ގޮތުން ރޭ ޖަރުމަނު ގަޑިން 9:40ގައި ރެފްރީން ދަނޑުން ނުކުމެގެން ދިޔަ ވަގުތު ނޫސްވެރިން ވަނީ އެމީހުން ދަތުރުކުރި ވޭން ކައިރިއަށް ގޮސް ސުވާލުކުރަން މަސައްކަތް ކޮށްފަ އެވެ. ނަމަވެސް ސެކިއުރިޓީން މިކަން ހުއްޓުވީ އެވެ.
ރެފްރީ އެންތަނީ ޓެއިލާ (މ) ޖަރުމަނު އަދި ސްޕޭން މެޗަށް އިންސާފު ކުރަނީ
ޔޫރޯ ފުޓްބޯޅަ މުބާރާތުން ރޭ ޖަރުމަނު ކެޓި މައިގަނޑު ސަބަބަކީ އިތުރު ވަގުތުގައި ސްޕޭން ކުޅުންތެރިއެއްގެ އަތުގައި ޖެހުނު ބޯޅަ އަށް ރެފްރީ ޕެނަލްޓީ ނުދިނުން ކަމަށްބުނެ މެޗަށް ފަހު ރެފްރީއާ ސުވާލުކުރަން ނޫސްވެރިން މަސައްކަތްކޮށްފި އެވެ.
މި ގޮތުން ރޭ ޖަރުމަނު ގަޑިން 9:40ގައި ރެފްރީން ދަނޑުން ނުކުމެގެން ދިޔަ ވަގުތު ނޫސްވެރިން ވަނީ އެމީހުން ދަތުރުކުރި ވޭން ކައިރިއަށް ގޮސް ސުވާލުކުރަން މަސައްކަތް ކޮށްފަ އެވެ. ނަމަވެސް ސެކިއުރިޓީން މިކަން ހުއްޓުވީ އެވެ.
މެޗަށް ފަހު ޖަރުމަނުގެ ކޯޗު ހޫލިއަން ނާގަލްސްމަން ބުނީ އޭނާގެ ޓީމު ބަލިވީ ރެފްރީ އިންސާފުވެރި ނުވުމުން ކަމަށެވެ.
މެޗަށް ފަހު ވަރަށް ބޮޑަށް ރުޅިއައިސްފައި ހުރި ކޯޗު ތަފްސީލު ދެމުން ބުނީ އިނގިރޭސި ރެފްރީ އެންތަނީ ޓެއިލާގެ ނިންމުންތައް އެއްގޮތަކަށް ވެސް ކަމުނުދާ ކަމަށެވެ.
ޖަރުމަނު ފްރޯލިއަން ވީޓްޒް އިތުރު ވަގުތުގައި ޕެނަލްޓީ އޭރިޔާގެ ބޭރުން ފޮނުވާލި ބޯޅަ ޖެހުނީ ސްޕޭނުގެ ޑިފެންޑަރު ކުކުރޭޔާގެ ވާތުގަ އެވެ. ނަމަވެސް ރެފްރީ ނިންމީ އެއީ ހޭންޑްބޯލްއެއްނޫން ކަމަށެވެ. މިކަމާ މެޗު ތެރޭގައި ވެސް ޖަރުމަނުގެ ކުޅުންތެރިން ވަރަށް ބޮޑަށް މައްސަލަޖެއްސި އެވެ.
