ރޮނާލްޑޯއާ ކުރިމަތިލާން ބިރުގަނޭ: އެމްބާޕޭ

ޔޫރޯ ފުޓްބޯޅަ މުބާރާތުގައި މިރޭ ޕޯޗުގަލްގެ ކެޕްޓަން ކްރިސްޓިއާނޯ ރޮނާލްޑޯއާ ދެކޮޅަށް ނުކުންނަން ޖެހިލުންވާ ކަމަށް ފްރާންސްގެ ކެޕްޓަން ކީލިއަން އެމްބާޕޭ ބުނެފި އެވެ.

ނަމަވެސް އެމްބާޕޭ ބުނީ ފަސް ފަހަރު ދުނިޔޭގެ މޮޅު ކުޅުންތެރިޔާގެ މަގާމު ހޯދާފައިވާ ކުޅުންތެރިޔާއާ ފުޓްބޯޅައިގައި ހާސިލްކޮށްފައިވާ ކާމިޔާބީތަކަށް ބަލާއިރު ރޮނާލްޑޯއާ ދެކޮޅަށް ދެކޮޅަށް ކުޅުމަކީ އެހާމެ ބޮޑު ޝަރަފަކަށް ވެސް ވާ ކަމަށެވެ.

އުމުރުން 25 އަހަރުގެ އެމްބާޕޭ ދާދި ފަހުން ވަނީ ރޮނާލްޑޯ ކުރިން ކުޅުނު ރެއާލް މެޑްރިޑަށް ބަދަލުވާން ނިންމައިފަ އެވެ. އޭނާ ބުނީ މި މެޗު ކޮންމެ ގޮތަކަށް ނިމުނަސް ރޮނާލްޑޯވާނީ ފުޓްބޯޅައިގެ ލެޖެންޑަކަށް ކަމަށާއި ފްރާންސްގެ އުއްމީދަކީ މޮޅުވުން ކަމަށެވެ.

އެމްބާޕޭ ބުނީ އޭނާ އެންމެ ސަޕޯޓްކުރި ކުޅުންތެރިއަކީ ވެސް ރޮނާލްޑޯ ކަމަށާއި ރެއާލް މެޑްރިޑަށް ބަދަލުވީ ރޮނާލްޑޯ ފަދަ އެކުލަބުގެ ތަރިއަކަށްވުމަށް ބޭނުންވާތީ ކަމަށެވެ.

އެމްބާޕޭ ބުނީ ފްރާންސް މުބާރާތުގައި މިހާތަނަށް ދައްކާފައިވާ ކުޅުމަށް ބަލާއިރު މި މެޗުން މޮޅުވުމަކީ ނުވާވަރުގެ ކަމެއްނޫން ކަމަށެވެ. އަދި ނޭފަތުގެ ކަށިގަނޑުގައި ރެނދުލާފައިވުމުން ރައްކާތެރިކަމުގެ މާސްކެއް އަޅައިގެން ކުޅެފައިވާއިރު އިދިކޮޅު ކުޅުންތެރިއެއްގެ އަތުން ލިބިދާނެ ހާނިއްކައަކަށް ނުވިސްނާ ކަމަށެވެ.