ޔޫރޯ ފުޓްބޯޅަ މުބާރާތުގައި މިރޭ ޕޯޗުގަލް އާއި ފްރާންސް ބައްދަލުކުރާ މެޗަކީ ހަމައެކަނި ދެ ޓީމުގެ ކެޕްޓަނުންގެ ހަނގުރާމައެއް ނޫން ކަމަށް ޕޯޗުގަލްގެ މިޑްފީލްޑަރު ބެނާޑޯ ސިލްވާ ބުނެފި އެވެ.
ދުނިޔޭގެ ގިނަ ބަޔަކު ގަބޫލުކުރާ ގޮތުގައި ޕޯޗުގަލްގެ ކެޕްޓަން ކްރިސްޓިއާނޯ ރޮނާލްޑޯ އާއި ފްރާންސްގެ ކެޕްޓަން ކީލިއަމް އެމްބާޕޭކުރެ މޮޅީ ކާކުކަން ދެނެގަތުމަށް މި މެޗު ފަސޭހަވެގެންދާނެ އެވެ.
ނަމަވެސް މެންޗެސްޓާ ސިޓީ އަށް ކުޅެމުން އަންނަ ސިލްވާ ބުނީ ރޮނާލްޑޯ އާއި އެމްބާޕޭ އަޅާކިޔާކަށް ނުވާނެ ކަމަށެވެ.
ރޮނާލްޑޯ އަކީ މިއަދުގެ ކޮންމެ ކުޅުންތެރިއެއްގެ ވެސް ވަޒީފާ ބަޔާނުގެ އެއްބައި. އެމްބާޕޭ އެދަނީ ކުރިއަރަމުން. އޭނާގެ ކެރިއަރުގައި އަދި ވަރަށް ދިގު މުއްދަތެއް އެބައޮތް. ރޮނާލްޑޯ އަކީ މިހާރު ކެރިއަރު ނިންމާލަން ހިފާފައިވާ ކުޅުންތެރިއެއްބެނާޑޯ ސިލްވާ
އޭނާ ބުނީ ރޮނާލްޑޯ އާއި އެމްބާޕޭ އަޅާކިޔަން ނުޖެހެނީ އެއީ ވަރަށް ތަފާތު ދެ ސްޓައިލަކަށް ކުޅޭ އަދި ދެ ޖީލެއްގެ ދެ ކުޅުންތެރިން ކަމަށްވުމުންނެވެ.
އޭނާ ބުނީ މުބާރާތުގައި ރޮނާލްޑޯ އަށް ގޯލެއް ޖެހިފައިނުވާތީވެ އެކަމަށް ފާޑުކިއުމަކީ ގޯހެއް ކަމަށެވެ.
ކޮލިފައިންގައި އަހަރުމެން 10 މެޗު ކުޅުނުއިރު އަހަރެންނަށް ވެސް ވަރަށް ގިނަ ފާޑުކިއުން އަމާޒުވި. އަހަރެން އެކަމަށް ފޯކަސްއެއް ނުކުރަން. އަހަރެންގެ ވަޒީފާ އަކީ ޓީމަށް އެހީތެރިވުން. ރޮނާލްޑޯ އަކީ ވެސް ޓީމް ޕްލޭޔަރެއް. އޭނާ އިސްކަންދެނީ އަމިއްލަ ކަންކަމަށްވުރެ ޓީމު އިސްކޮށްގެންބެނާޑޯ ސިލްވާ
މިރޭގެ މެޗުގެ މޮޅުވާ ޓީމެއް ސެމީ ފައިނަލުގައި ވާދަކުރާނީ ޖާމަނީ އާއި ސްޕޭން ކުޅެގެން މޮޅުވާ ޓީމަކާ އެވެ.
