އަހަރުމެން ތައްޔާރުވާނީ ޔަމާލް މަދުމަދުން ފެންނާނެ މެޗަކަށް: ނާގެލްސްމަން
ލަމީން ޔަމާލް (ވ) އާއި ނާގެލްސްމަން
ޔޫރޯ ފުޓްބޯޅަ މުބާރާތުގައި މިރޭ ސްޕޭނާއި ޖާމަނީ ބައްދަލުކުރާ މެޗުގައި ސްޕޭނުގެ ލަމީން ޔަމާލަށް އޭނާގެ މޮޅު ކުޅުން ދެއްކިދާނެތޯ ޖާމަނީގެ ކޯޗު ހޫލިއަން ނާގެލްސްމަން ސުވާލު އުފައްދައިފި އެވެ.
އޭނާ ބުނީ އުމުރުން 16 އަހަރުގެ ޔަމާލް އަކީ ދުނިޔޭގެ އެންމެ ހުނަރުވެރި، އޭނާގެ ކުޅުން ބަލާލުމަށް އެތައް ބަޔަލު ލޯބިކުރާ މޮޅު ކުޅުންތެރިއެއްކަން ގަބޫލުކުރާ ކަމަށެވެ.
އޭނާ ބުނީ ޖަރުމަނު ތައްޔާރުވަނީ ޔަމާލަށް މޮޅަށް ނުކުޅެވި ޖާމަނީގެ ޖަމާލް މުސިއާލާގެ ތަރިއަރާނެ މެޗަކަށް ހެދުމަށް ކަމަށެވެ.
ޖާމަނީގެ ކެޕްޓަން އަދި ޔަމާލްއާ އެއް ޓީމަށް ކުޅޭ އިކާއީ ގުންޑޮގަން ބުނީ ޔަމާލް ނިމިދިޔަ ސީޒަނުގައި ބާސެލޯނާގައި ވެސް މޮޅަށް ކުޅުނު ކަމަށާއި ނަމަވެސް ޖަރުމަނުގެ ސަޕޯޓަރުންނަށް އޭނާ މާޔޫސް ކޮށްލެވިދާނެ ކަމަށެވެ.
ޖާމަނީ އާއި ސްޕޭނަކީ ޔޫރޯގެ ފުޓްބޯޅަ މުބާރާތުގެ އެންމެ ކާމިޔާބު ދެ ޓީމެވެ.
