ޔޫރޯ ފުޓްބޯޅަ މުބާރާތުގައި މިރޭ ސްޕޭނާއި ޖާމަނީ ބައްދަލުކުރާ މެޗުގައި އިސްވެ ހަމަލާއަށް އަރާނީ ސްޕޭން ކަމަށް ކޯޗު ޑެލަފުއެންޓޭ ބުނެފި އެވެ.
މުބާރާތުގައި އޮތް އެންމެ ގަދަ ދެ ޓީމު ކަމަށް ގިނަ ބަޔަކު އެއްބަސްވާ ދެ ޓީމުގެ ކުރިމަތިލުމުގައި ޖާމަނީ ހުއްޓުވެނީ ޑެލަފުއެންޓޭގެ ނަޒަރުގައި ހުއްޓުމެއްނެތި އެޓޭކްކޮށްގެންނެވެ.
އެއީ ވަރަށް ވަރުގަދަ ޓީމެއް. އެމީހުންގެ ވަރުގަދަކަން ބަލިކޮށްލެވޭނީ އަހަރުމެން ފުރަތަމަ މިނިޓުން ފެށިގެން އެޓޭކްކޮށްގެން. އަދި އެމީހުންގެ ބަލިފައިތައް ހޯދޭނީ ވެސް އެޓޭކިން ވިސްނުމެއްގައި ކުޅެގެންސްޕޭން ކޯޗު ޑެލަފުއެންޓޭ
އޭނާ ބުނީ މި މެޗަކީ މުބާރާތުގެ ފައިނަލް ކަމަށް ގިނަ ބަޔަކު ބުނަމުންދިއުމަކީ ދެ ޓީމުގެ ފެންވަރަށް ބަލާފައި ބުނާ ބުނުމެއް ކަމަށާއި އޭނާ އަށް ވެސް މެޗަކީ ފައިނަލެއް ކަމަށެވެ. އަދި މެޗުން މޮޅުވާން އެންމެ މުހިއްމު އެއް ކަމަކީ ޖާމަނީގެ ޓޯނީ ކްރޫސް ބޯޅަ ލިބުނަ ނުދިނުން ކަމަށެވެ.
އެކަމަކު ވަރަށް ހަމަހަމަ މެޗެއް ފެނިގެންދާނެ ކަމަށް އަހަރެން އުއްމީދު ކުރަން. އަހަރުމެން ކުރަން ނުޖެހޭ ކަމަކީ ޓޯނީ ކްރޫސް އަށް ބޯޅަ ނުދިނުން. އޭނާގެ ޕާސްތައް މަދުކުރެވިގެން މި މެޗުން މޮޅުވުމުގެ ފުރުސަތު ބޮޑުވާނީސްޕޭން ކޯޗު ޑެލަފުއެންޓޭ
ޖާމަނީ އާއި ސްޕޭނަކީ މުބާރާތުގެ އެންމެ ކާމިޔާބު ދެ ޓީމެވެ. ކޮންމެ ބަޔަކު ވެސް ވަނީ މިހާތަނަށް ތިން ފަހަރު މުބާރާތް ކާމިޔާބުކޮށްފަ އެވެ. މި މެޗުން މޮޅުވާ ޓީމެއް ސެމީ ފައިނަލުގައި ވާދަކުރާނީ ފްރާންސާއި ޕޯޗުގަލް ކުޅޭ މެޗުން މޮޅުވާ ޓީމަކާ އެވެ.
