ތުރުކީ ސަފީރުކަމަށް ކުރީގެ ޗީފް އަބްދުއްރަޙީމް އައްޔަނުކުރަން މަޖިލީހުން ފާސްކޮށްފި
30 ޖޫން 2024 | އާދީއްތަ 09:18ވޯޓުގައި ބައިވެރިވެވަޑައިގެންނެވި 82 މެމްބަރުންވެސް ވަނީ ފެންނަކަމަށް ވޯޓު ދެއްވާފައި
ޗީފް އޮފް ޑިފެންސް ފޯސް މޭޖަރ ޖެނެރަލް ޢަބްދުއްރަހީމް އަބްދުއްލަތީފް
ރިޕަބްލިކް އޮފް ތުރުކީގެ ސަފީރުކަމަށް ލޓ ޖެނެރަލް ރިޓަޔަރޑްއަބްދުއްރަޙީމްއަބްދުލް ލަތީފް އައްޔަނު ކުރެއްވުމަށް ރައްޔިތުންގެ މަޖިލީހުން ފާސްކޮށްފިއެވެ.
މަޖިލީހުން އެގޮތަށް ފާސްކޮށްފައިވަނީ އާދިއްތަ ދުވަހު ބޭއްވި ޖަލްސާގައެވެ.
މި ޖަލްސާގައި ވޯޓުގައި ބައިވެރިވެވަޑައިގެންނެވި 82 މެމްބަރުންވެސް ވަނީ ރިޕަބްލިކް އޮފް ތުރުކީގެ ސަފީރުކަމަށް ލޓ ޖެނެރަލް ރިޓަޔަރޑް އަބްދުއްރަޙީމް އަބްދުލް ލަތީފް އައްޔަނު ކުރަން ފެންނަކަމަށް ވޯޓު ދެއްވާފައެވެ.
ޗީފް އޮފް ޑިފެންސް ފޯސް ލެފްޓިނެންޓް ޖެނެރަލް ޢަބްދުއްރަޙީމް ޢަބްދުއްލަޠީފް، 39 އަހަރުގެ އިޚްލާޞްތެރި ޚިދުމަތަށްފަހު، އުމުރުފުޅުން 60 އަހަރު ފުރުމާއެކު ސިފައިންގެ ޤާނޫނުގައި ވާގޮތުގެމަތިން ޝަރަފުވެރިކަމާއެކު ސިފައިންގެ ޚިދުމަތުން ރިޓަޔަރ ކުރައްވާފައިވަނީ މި އަހަރުގެ އޭޕްރީލް މަހުއެވެ.
މީގެ އިތުރުން މި ޖަލްސާގައި ވަނީ ރާއްޖޭގެ ފަރާތުން ސައުދީގައި ހުންނަވާ ސަފީރުކަަމަށް އައްޔަން ކުރަން ރައީސް ޑރ. މުހައްމަދު މުއިއްޒު ނިންމަވައި، މަޖިލީހުން ރުހުން ވެސް ދީފައިވާ ނ. ހޮޅުދޫ، އުފަންވެލި، ތޯހާ މުހައްމަދު ޕާކިސްތާނު ސަފީރުކަމަށް ބަދަލު ކުރުމަށް ފާސްކޮށްފައެވެ. އެގޮތަށް ފާސްކުރީ ސަރުކާރުގެ އެދުމުގެ މަތިންނެވެ.
އެގޮތަށް ފާސްކުރީވެސް 82 މެމްބަރުންގެ ވޯޓާއެކުއެވެ.
